აღნიშნული ცნობა 27 თებერვალს რამდენიმე სააგენტომ და ტელევიზიამ, მათ შორის ბრიტანულმა "გარდიანმა და "ალ-ჯაზირამ" გაავრცელეს. ხუთშაბათს პროქურთული ოპოზიციური პარტიის, "ქურთისტანის დემოკრატიული პარტიის" (PDK) დელეგაციამ მოინახულა აბდულა ოჯალანი, PKK-ს დამაარსებელი, რომელიც 1999 წლიდან იმყოფება მარმარილოს ზღვაში, კუნძულ იმრელიზე მდებარე საპატიმროში. მოგვიანებით სტამბულში გავრცელდა ოჯალანის განცხადება, რომელშიც "ქურთისტანის მუშათა პარტიას" (PKK) ისტორიული პასუხისმგებლობისკენ მოუწოდებს. “მოიწვიეთ თქვენი [პარტიის] ყრილობა და მიიღეთ გადაწყვეტილება. ყველა დაჯგუფებამ უნდა დაყაროს იარაღი, ხოლო PKK-მ თვითდაშლა უნდა გამოაცხადოს“, - აღნიშნავს ოჯალანი გავრცელებულ განცხადებაში. თანაპარტიელებისადმი განიარაღების მოწოდება ოჯალანმა 10 წლის წინაც გააკეთა. აბდულა ოჯალანი, თურქეთში აკრძალული პარტიის დამაარსებელი, 1999 წელს შეიპყრეს, გაასამართლეს და სიკვდილი მიუსაჯეს. 2004 წელს სასჯელის უმაღლესი ზომის გაუქმების შედეგად, ის სამუდამო პატიმრობას იხდის. PKK 1984 წლიდან იბრძვის თურქეთის სახელმწიფოს წინააღმდეგ და ანკარის, ასევე მისი დასავლელი მოკავშირეების მიერ ტერორისტულ გაერთიანებად არის გამოცხადებული. თურქეთში ქურთთა ამბოხებას 40 000-ზე მეტი ადამიანი ემსხვერპლა. თურქეთში მცხოვრები ქურთების რაოდენობა 15 მილიონამდეა. ასევე ნახეთ განიარაღების მოწოდებით გამოდის თურქეთში დაპატიმრებული ქურთთა ლიდერი ასევე ნახეთ ქურთებსა და თურქებს შორის დიალოგში დაახლოება ხდება ...