„23 თებერვლიდან მოსული უხვი ნალექის (დიდთოვლობა, ზვავი), შედეგად ჩაიკეტა სოფლის მისასვლელი გზები და შეწყდა ავტოტრანსპორტის მოძრაობა. მუნიციპალიტეტის სოფლები მოწყვეტილი იქნა რაიონულ და რეგიონულ ცენტრს. აღნიშნული გზების ფუნქციონირებას სასიცოცხლო მნიშვნელობა აქვს, როგორც სამედიცინო თვალსაზრისით, ასევე ზოგიერთ სოფლებში არიან გარდაცვლილები და საჭიროებს გაწმენდას, რისთვისაც გვესაჭიროება მინიმუმ ერთი მსუბუქი ბულდოზერი“, - წერს ონის მერია შესყიდვების სააგენტოს. მუნიციპალიტეტს შერჩეული აქვს 85 500 ლარის ღირებულების ტექნიკა. ონის მერმა რადიო თავისუფლებას უთხრა, რომ 23 თებერვლიდან 27 თებერვლამდე პერიოდი ბაზრის კვლევას დასჭირდა. „დრო სჭირდება ამ შესყიდვას, ბაზრის კვლევას. 23-ში, 24-ში, 25-ში - ეს დღეები სულ გვქონდა დიდთოვლობა. იმიტომ ვყიდულობთ ბულდოზერს, რომ გვესაჭიროება სასწრაფოდ. შეიძლება მეორეც გვჭირდებოდეს, თუმცა ჩვენი ფინანსებიდან გამომდინარე მხოლოდ ერთის შეძენის შესაძლებლობა“, - ამბობს სერგო ხიდაშელი, ონის მერი. მანვე აღნიშნა, რომ ამ ეტაპზე მუნიციპალიტეტში გზების გასაწმენდად შვიდი ერთეული მძიმე ტექნიკა მუშაობს, საიდანაც სამი მათი საკუთრებაა. მერმა თქვა, რომ მიმდინარე გაწმენდითი სამუშაოების შესახებ ინფორმაცია ხელმისაწვდომია მათ პლატფორმებზე. 27 თებერვლის 15:55 საათის მონაცემებით, ვებგვერდზე ბოლო ინფორმაცია 18 თებერვლით თარიღდება, ფეისბუკგვერდზე კი გამოქვეყნებულია 23 საათის წინათ. ასევე ნახეთ სამაშველო სამსახურმა გუშინ სამი თოვლმავალი იყიდა საქართველოს სხვადასხვა მუნიციპალიტეტში 23 თებერვლიდან მოსული დიდი ნალექის გამო საავტომობილო მოძრაობა შეფერხებულია. მოსახლეობის ნაწილი პირველადი საჭიროებების გარეშეა დარჩენილი. ასევე ნახეთ “პატრონი არ გვყავს” - გურიასა და აჭარაში მოსახლეობა ხელისუფლებას დახმარებას სთხოვს ...