ბაჩიაშვილს ედავებიან ბიძინა ივანიშვილის თანაინვესტირების ფონდში გენერალურ დირექტორის თანამდებობაზე „სამსახურეობრივი მოვალეობის შეუსრულებლობას“. სისხლის სამართლის კოდექსის 220-ე პრიმა მუხლის მე-2 ნაწილით დღეს წარდგენილი ბრალით ორიდან ხუთ წლამდე პატიმრობა ემუქრება. „გიორგი ბაჩიაშვილი, როგორც თანაინვესტირების ფონდის გენერალური დირექტორი, სრულად იყო პასუხისმგებელი „ჯი სი ეფ ლუქსემბურგის“ საინვესტიციო პროექტების და აქტივების სწორად და ეფექტურად მართვაზე. იგი არაჯეროვნად ასრულებდა მისდამი დაკისრებულ მოვალეობას და არც ჰესის მშენებლობის („მტკვარი ჰესი“) დაწყებისას და არც შემდგომ პერიოდში, არ მიიღო შესაბამისი და აუცილებელი ზომები იდენტიფიცირებული რისკების თუ საფრთხეების აღმოსაფხვრელად, რაც ჰესის მშენებლობის პროცესს უკავშირდებოდა“, - წერია პროკურატურის გავრცელებულ განცხადებაში. გიორგი ბაჩიაშვილმა პროკურატურაში ბრალის წასაყენებლად დღეს, 25 თებერვალს დაიბარეს. მან ჟურნალისტებს უთხრა, რომ „ეს არის მეორე ფაბრიკაცია“: „ივანიშვილს თავის თავი კიდევ ერთხელ უფრო მძიმე მდგომარეობაში შეჰყავს, რადგან ერთ უსაფუძვლო საქმეს მეორე უსაფუძვლო საქმეს ამატებს, რაც ევროსასამართლოსთვის კიდევ დამატებითი მტკიცებულება იქნება, რომ ეს პირადი ანგარიშსწორებაა პოლიტიკური ანგარიშსწორების მქონე პირის მხრიდან, რომ გამომძალოს დიდი თანხა და დამსაჯოს იმისთვის, რომ მისი თანამონაწილე არ გავხდი იმ ანტიდასავლურ საქმეებში, რასაც ის სჩადის“. გიორგი ბაჩიაშვილის წინააღმდეგ პირველი საქმე ბიძინა ივანიშვილის განცხადების საფუძველზე 2023 წლიდან არის აღძრული. წარდგენილი ბრალდების თანახმად, პროკურატურა გიორგი ბაჩიაშვილს 39 215 820 აშშ დოლარის კრიპტოვალუტის მითვისებას ედავება. მას თბილისის საქალაქო სასამართლომ 2023 წლის 6 ივლისს აღკვეთის ღონისძიებად 2,5 მლნ ლარის გადახდა შეუფარდა. ივანიშვილის ადვოკატის თეიმურაზ წიქვაძის ცნობით, გიორგი ბაჩიაშვილმა, რომელიც წლების განმავლობაში ხელმძღვანელობდა საქართველოს თანაინვესტირების ფონდს, 2015 წელს ბიძინა ივანიშვილს ბიზნესწინადადებით მიმართა - „თანხების დაბანდება ბიტკოინში, რომლის პოპულარობა და ღირებულებაც დღითიდღე იზრდებოდა, საკმაოდ მომგებიანი შეიძლება ყოფილიყო და შესთავაზა ფულის ინვესტირება ბიტკოინის მაინინგში/გამომუშავებაში“. ამ წინადადებით ბიძინა ივანიშვილი დაინტერესდა და გადაწყვიტა 5 მლნ დოლარის ინვესტიცია ჩაედო. ადოვკატის თქმით, გიორგი ბაჩიაშვილმა, რომელიც წლების განმავლობაში ხელმძღვანელობდა საქართველოს თანაინვესტირების ფონდს, 2015 წელს ბიძინა ივანიშვილს ბიზნესწინადადებით მიმართა - "თანხების დაბანდება ბიტკოინში, რომლის პოპულარობა და ღირებულებაც დღითიდღე იზრდებოდა, საკმაოდ მომგებიანი შეიძლება ყოფილიყო და შესთავაზა ფულის ინვესტირება ბიტკოინის მაინინგში/გამომუშავებაში&q...