თბილისის ცენტრალურ ქუჩებში უკრაინის მხარდამჭერი აქცია-მსვლელობა იმართება. მარშის მონაწილეები 19:00 საათზე შეიკრიბნენ უკრაინის საელჩოსთან, საიდანაც ჭავჭავაძის გამზირის გავლით, რუსთაველის გამზირისკენ, პარლამენტის შენობისკენ გაემართნენ. აქციას საქართველოში მცხოვრები უკრაინელებიც შეუერთდნენ. სოლიდარობის აქცია უკრაინაში ომის დაწყებიდან სამი წლისთავს ეძღვნება. მარშის მსვლელობისას, პერიოდულად ჟღერდება უკრაინის, საქართველოსა და ევროკავშირის ჰიმნები. მომიტინგეებს ხელში უჭირავთ უკრაინის დროშები, რომლებზეც იმ ქართველი მებრძოლების გვარები წერია, რომლებიც უკრაინის ომში დაიღუპნენ. ასევე, აქციის მონაწილეებმა მელიქიშვილის გამზირზე უკრაინისა და საქართველოს დროშები გაშალეს. რუსეთის არმია უკრაინის ტერიტორიაზე 2022 წლის 24 თებერვალს შეიჭრა. ომმა ათეულობით ათასი უკრაინელის სიცოცხლე იმსხვერპლა და მილიონობით დევნილად აქცია. სამი წლის განმავლობაში გაეროს მიერ დოკუმენტურად დადასტურებული მონაცემებით, უკრაინაში დაიღუპა 12 600-ზე მეტი და დაშავდა 29 000-ზე მეტი სამოქალაქო პირი. რეალურად მსხვერპლი გაცილებით დიდია, რადგან არ არსებობს მონაცემები რუსეთის მიერ ოკუპირებულ ტერიტორიებზე დაღუპულებისა და დაჭრილების შესახებ. უკრაინის ხელისუფლების თანახმად, სამი წლის განმავლობაში რუსეთთან ომში 46 000-ზე მეტი უკრაინელი მებრძოლი დაიღუპა. ასევე ნახეთ სამი წელი გავიდა უკრაინაში ომის დაწყებიდან Photo Gallery: ფოტო: ომის 3 წელი უკრაინაში სერჰი ნუჟნენკო რადიო თავისუფლების უკრაინული სამსახურის ფოტოჟურნალისტი სერჰი ნუჟნენკო სამი წელი ინტენსიურად აშუქებდა თავის ქვეყანაში ომს. ჩვენ შევარჩიეთ მის მიერ გადაღებული ომის ყველაზე შთამბეჭდავი 36 ფოტო. Facebook-ზე გაზიარება Twitter-ზე გაზიარება Share on Telegram გაუგზავნეთ მეგობარს ...