193-წევრიან ასამბლეაზე - რომლის რეზოლუციებიც სავალდებულო ძალის არაა, თუმცა მათ მსოფლიოს შეხედულებების ბარომეტრებად განიხილავენ - უკრაინის და ევროპელი პარტნიორების მიერ მომზადებული დოკუმენტი დამტკიცდა ხმების თანაფარდობით 93-18-ზე, თავი შეიკავა 65-მა დელეგატმა. ეს მაჩვენებელი უფრო ნაკლებია, ვიდრე წინა წლებში - როცა 140-ზე მეტი ქვეყანა გმობდა რუსეთის აგრესიას და მოითხოვდა უკრაინის ოთხი რეგიონის ანექსირების უკან წაღებას. აშშ-მა და რუსეთმა რეზოლუციას მხარი არ დაუჭირეს, საქართველო კენჭისყრაზე არ გამოცხადდა. გაეროს რეზოლუცია უკრაინის შესახებ - კენჭისყრის შედეგები გაეროს გენერალურ ასამბლეაზე არ დამტკიცდა ალტერნატიული, აშშ-ის რეზოლუცია, რომელიც გამოდიოდა ომის სწრაფი დასრულების მოწოდებით, თუმცა არ ახსენებდა უკრაინაში რუსეთის შეჭრას. ეს რეზოლუცია მიღებულ იქნა მხოლოდ ევროკავშირის მხრიდან შეტანილი შესწორებებით - დოკუმენტს დაემატა მკაფიო ფორმულირებები, რომ რუსეთი გაეროს ქარტიის დარღვევით შეიჭრა თავის მეზობელ ქვეყანაში. რეზოლუციების განხილვისას, აშშ-ის წარმომადგენელმა ქვეყნებს მოუწოდა, არ მიეცათ ხმა ევროკავშირის და ასევე რუსეთის მიერ შეტანილი შესწორებებისთვის მათ დოკუმენტში. "ჩვენ ვერ დავუჭერთ ამ შესწორებებს მხარს, ისინი უფრო სიტყვების ომია და არ არის მიმართული ომის დასრულებისკენ. ვერც ეს შესწორებები, ვერც უკრაინის მიერ წარდგენილი რეზოლუცია ვერ შეაჩერებს მკვლელობებს. გაერომ უნდა შეაჩეროს მკვლელობები", - განაცხადა აშშ-ის წარმომადგენელმა. 193-წევრიან ასამბლეაზე ეს რეზოლუცია დამტკიცდა ხმების თანაფარდობით 89-8-ზე, თავი შეიკავა 70-მა დელეგაციამ. რეზოლუციას დაეთანხმა უკრაინა, აშშ-მა თავი შეიკავა, რუსეთი მისი წინააღმდეგი იყო. საქართველომ რეზოლუციის დამტკიცებისგან თავი შეიკავა, აშშ-ის მსგავსად. უკრაინის საგარეო საქმეთა მინისტრის განცხადებით, ომის მესამე წლისთავზე გაეროს რეზოლუციების კენჭისყრა განსაზღვრავს, "ვუჭერთ თუ არა მხარს კანონის უზენაესობას". აშშ-ის მიერ ინიციირებული რეზოლუცია ევროკავშირის შესწორებებით - კენჭისყრის შედეგები ასევე ნახეთ WSJ: გაეროში აშშ-ის რუსეთის მიმართ რბილი რეზოლუციის ერთადერთი მხარდამჭერი საქართველოს მთავრობაა ...