დღეს, 2025 წლის 24 თებერვალს, მსოფლიოში აღინიშნება უკრაინაში რუსეთის სრულმასშტაბიანი შეჭრის დაწყებიდან მესამე წლისთავი. ამ თარიღისადმი მიძღვნილი ღონისძიებები გაიმართა ან იგეგმება მსოფლიოს მრავალ ქალაქში. მოსკოვში, ლესია უკრაინკას ძეგლთან, ყვავილები გაჩნდა. როგორც RusNews იუწყება, ისინი ღამით მიიტანეს „არაგულგრილმა ადამიანებმა“. მონუმენტთან უსაფრთხოების ძალების თანამშრომლების გამოჩენის შესახებ ინფორმაცია არ გავრცელებულა. სანქტ-პეტერბურგში, პოლიტიკური რეპრესიების მსხვერპლთა ძეგლთან ყვავილების მიტანა დაიწყო, იუწყება „ბუმაგა“ ადგილობრივ მოსახლეობაზე დაყრდნობით. ბარნაულის მკვიდრმა სოლო პიკეტი მოაწყო რეპრესიების მსხვერპლთა ძეგლთან, იუწყება RusNews. ასევე ნახეთ სამი წელი გავიდა უკრაინაში ომის დაწყებიდან ბათუმში გაიმართა „სოლიდარობის ჯაჭვის“ აქცია. მისმა მონაწილეებმა მხარი დაუჭირეს უკრაინას და ომის შეწყვეტის მოწოდებით გამოვიდნენ. ავსტრალიის ქალაქ სიდნეიში უკრაინის მხარდასაჭერად გაიმართა რუსული დიასპორის აქცია, იუწყება ASTRA. მონაწილეები გამოვიდნენ ომის დასრულებისა და ვლადიმირ პუტინის შეკავების მოწოდებით. ომის საწინააღმდეგო აქცია ასევე გაიმართა აშშ-ის ქალაქ სიდნეიში, იუწყება RusNews. ასევე, შეჭრის დაწყებიდან მესამე წლისთავის წინა დღეს აქციები გაიმართა ბრიუსელში, პრაღაში და ევროპის სხვა ქალაქებში. ასევე ნახეთ კიევში ჩავიდნენ ევროკომისიის და ევროპული საბჭოს პრეზიდენტები ევროკომისიის პრეზიდენტი ურზულა ფონ დერ ლაიენი და ევროპული საბჭოს პრეზიდენტი ანტონიუ კოშტა კიევში ჩავიდნენ შეჭრის დაწყებიდან მესამე წლისთავზე. 24 თებერვალს დაგეგმილია უკრაინის პარტნიორების სამიტი, რომელშიც ათობით ქვეყნის ლიდერი მიიღებს მონაწილეობას პირადად და ვიდეოკავშირის საშუალებით, განაცხადა მანამდე უკრაინის პრეზიდენტმა ვოლოდიმირ ზელენსკიმ. ...