გაერთიანების თანახმად, ბათუმის აეროპორტი შეზღუდულ რეჟიმში ოპერირებს. „მესამე დღეა, ალექსანდრე ქართველის სახელობის ბათუმის საერთაშორისო აეროპორტის ნაცვლად, რეისებს ქუთაისის დავით აღმაშენებლის სახელობის აეროპორტი იღებს“, - იუწყება აეროპორტების გაერთიანება. სახელმწიფო კომპანიის თანახმად, დღეს საღამოს, 24 თებერვალს, ისრაელის ავიაკომპანია EL Al-ის კუთვნილი ხომალდი ბათუმის ნაცვლად რეისს ქუთაისის საერთაშორისო აეროპორტში შეასრულებს და თელ-ავივში ქუთაისიდან გაფრინდება. საქართველოს აეროპორტების გაერთიანება ასევე იუწყება, რომ დასავლეთ საქართველოში დიდთოვლობის მიუხედავად, ქუთაისის საერთაშორისო აეროპორტში რეისები ჩვეულ რეჟიმში სრულდება, - თუმცა განრიგის მიხედვით, ქუთაისი-ათენის რეისი, რომელიც 11:55 საათზე უნდა გაფრენილიყო, ჯერ განუსაზღვრელი დროით გადაიდო. გაერთიანების ცნობით, დიდთოვლობის მიუხედავად, ქუთაისის აეროპორტის სამსახურები „საჰაერო ხომალდის მოყინვის საწინააღმდეგო პროცედურებს დროულად ახორციელებენ“, ასევე, „სპეციალური მოყინვის საწინააღმდეგო სითხით მუშავდება ასაფრენ-დასაფრენი ზოლი და სამიმოსვლო ბილიკები“. დღეს, 24 თებერვალს, აჭარის ყველა მუნიციპალიტეტში შეჩერდა სასწავლო პროცესი - მიზეზი უამინდობა და დიდთოვლობაა. აჭარის განათლების სამინისტროში რადიო თავისუფლებას უთხრეს, რომ სასწავლო პროცესის შეჩერების გადაწყვეტილება დღეს დილით მიიღეს. სწავლა შეჩერდა ბათუმში, ქობულეთში, ხელვაჩაურში, ქედაში, შუახევსა და ხულოში. ასევე ნახეთ დიდთოვლობის გამო აჭარის ყველა მუნიციპალიტეტში სასწავლო პროცესი შეჩერდა ...