დღეს, 24 თებერვალს, უკრაინაში ომის დაწყების მესამე წლისთავზე, კიევში ჩავიდნენ ევროკომისიის პრეზიდენტი ურზულა ფონ დერ ლაიენი და ევროპული საბჭოს პრეზიდენტი ანტონიუ კოშტა. მათ კიევის რკინიგზის სადგურში დახვდნენ უკრაინის პრეზიდენტის ოფისის ხელმძღვანელი ანდრიი ერმაკი და საგარეო საქმეთა მინისტრი ანდრიი სიბიჰა. ევროკომისიის პრეზიდენტმა ურზულა ფონ დერ ლაიენმა სოციალურ ქსელ X-ში, ოფიციალურ გვერდზე, გამოაქვეყნა კიევის სადგურში გადაღებული ვიდეოკადრები და დაწერა, რომ რუსეთის სასტიკი შეჭრის მესამე წლისთავზე ევროპა კიევშია, რადგან უკრაინა ევროპაა და გადარჩენისთვის ბრძოლაში წყდება არა მხოლოდ უკრაინის, არამედ ევროპის ბედიც. три 23 თებერვალს უკრაინის პრეზიდენტმა ვოლოდიმირ ზელენსკიმ განაცხადა, რომ ომის დაწყებიდან მესამე წლისთავზე, 24 თებერვალს, კიევში გაიმართება უკრაინის პარტნიორთა სამიტი, რომელსაც დაესწრება 13 ქვეყნის ლიდერი, კიდევ 24 კი მონაწილეობას ვიდეოკავშირით მიიღებს. ზელენსკის ინფორმაციით, სამიტზე განიხილავენ უკრაინის სტრატეგიას და უსაფრთხოების გარანტიების ფორმატებს. კანადის პრემიერ-მინისტრი ჯასტინ ტრუდო(ცენტრში) კიევის რკინიგზის სადგურში. 2025 წლის 24 თებერვალი განახლება: დღეს, 24 თებერვალს კიევში ჩავიდნენ ბალტიის ქვეყნების, ესპანეთისა და კანადის ლიდერებიც. ასევე ნახეთ სამი წელი გავიდა უკრაინაში ომის დაწყებიდან რუსეთის ფართომასშტაბიანი შეჭრიდან მესამე წელს ურთიერთობა დაიძაბა უკრაინის ხელისუფლებასა და აშშ-ის ახალ, პრეზიდენტ დონალდ ტრამპის ადმინისტრაციას შორის. მისი წინამორბედი პრეზიდენტის, ჯო ბაიდენის ადმინისტრაცია უკრაინის ყველაზე აქტიური და ძლიერი მხარდამჭერი იყო. პრეზიდენტ ტრამპის ადმინისტრაციის მაღალჩინოსნებმა 18 თებერვალს, უკრაინის მონაწილეობის გარეშე, საუდის არაბეთში პირველი შეხვედრა გამართეს რუსეთის ოფიციალურ პირებთან. ასევე ნახეთ ტრამპმა “ყველა მოლოდინს გადააჭარბა”, კრემლის პროპაგანდა ზეიმობს რუსეთის არმია უკრაინის ტერიტორიაზე 2022 წლის 24 თებერვალს შეიჭრა. პრეზიდენტმა პუტინმა „სპეციალური სამხედრო ოპერაციის" მიზნად გამოაცხადა უკრაინის „დემილიტარიზაცია და დენაციფიკაცია". უკრაინაში რუსული არმიის ფართომასშტაბიან შეჭრას წინ უძღოდა პუტინის მიერ უკრაინის ორი სეპარატისტული რეგიონის, დონეცკის და ლუგანსკის ე.წ. სახალხო რესპუბლიკების, „დამოუკიდებლობის" აღიარება. მანამდე რუსეთმა მოითხოვა, რომ უკრაინა არ გახდეს ნატოს წევრი. 2022 წლის 30 სექტემბერს, რუსეთმა თავის ტერიტორიებად გამოაცხადა უკრაინის ხერსონის, ზაპოროჟიეს, დონეცკისა და ლუგანსკის ოლქები, თუმცა სრულად ვერცერთ მათგანს ვერ აკონტროლებს. 2014 წლიდან რუსეთის მიერ ანექსირებულია უკრაინის ყირიმის ნახევარკუნძული და ქალაქი სევასტოპოლი. პუტინის ხელისუფლება ...