გერმანიის არჩევნებში გამარჯვებული კონსერვატიული ბლოკის, CDU/CSU-ის ლიდერი, ფრიდრიხ მერცი ამბობს, რომ მისი მთავარი პრიორიტეტი იქნება ევროპაში ერთიანობაზე მუშაობა, საიმისოდ, რომ მოგერიებული იყოს ჩარევა აშშ-ის ან რუსეთის მხრიდან. საზოგადოებრივ მაუწყებლებითან, ARD-სა და ZDF-სთან საუბარში მერცმა თქვა, რომ ილუზიები არ აქვს აშშ-სთან ურთიერთობაში არსებული გამოწვევების გარშემო. "ვაშინგტონიდან ჩარევა არანაკლებ დრამატული და მძლავრი და საბოლოო ჯამში აღმაშფოთებელი იყო, ვიდრე ჩარევა, რომელიც მოსკოვის მხრიდან გვაქვს ნანახი" - თქვა მერცმა, რომელსაც მხედველობაში ჰქონდა ამერიკელი მილიარდერის და პრეზიდენტ დონალდ ტრამპის მრჩევლის, ილონ მასკის მხრიდან გერმანიის ულტრამემარჯვენე პარტია "ალტერნატივა გერმანიისთვის" გამოცხადებული მხარდაჭერა. ასევე ნახეთ ტრამპმა გერმანიის კონსერვატორებს არჩევნებში გამარჯვება მიულოცა ...