უწყების მიერ 20 თებერვალს გავრცელებულ პრესრელიზში წერია, რომ საქართველოში ერთდროულად რამდენიმე სპეცოპერაცია ჩატარდა „კონტრტერორისტული ოპერაციების ფარგლებში“. ამ ოპერაციების შედეგად დააკავეს ორი ადამიანი. სუსის პრესრელიზში არ არის დაზუსტებული, თუ სად. რადიო თავისუფლებას უწყების პრესცენტრში უთხრეს, რომ ერთი მათგანი დააკავეს თბილისში, მეორე კი საქართველოს ერთ-ერთი რეგიონში, რომელსაც არ აზუსტებენ. სუსის თანახმადვე, მათი სახლებიდან ამოიღეს მტკიცებულებები: „საბრძოლო მასალა, სხვადასხვა სახის ელექტრონული მოწყობილობა, ფულადი თანხა და სხვა მნიშვნელოვანი ნივთები“. სუსი წერს იმასაც, რომ დაკავებულთა სახლებიდან ამოიღეს „საერთაშორისო ტერორისტულ ორგანიზაციასთან“ „შესაძლო კავშირის დამადასტურებელი სხვადასხვა მტკიცებულება“. რადიო თავისუფლებამ სცადა, სახელმწიფო უსაფრთხოების სამსახურის პრესცენტრთან დაეზუსტებინა, რომელ ტერორისტულ ორგანიზაციაზეა საუბარი, თუმცა უწყებაში ამ და სხვა კითხვებს არ უპასუხეს.три ...