უკრაინის პრეზიდენტის ოფისის ინფორმაციით, ზელენსკიმ სტარმერს მადლობა გადაუხადა მტკიცე მხარდაჭერისთვის და უთხრა, რომ უკრაინისთვის დიდი ბრიტანეთის დახმარება უაღრესად მნიშვნელოვანია და უკრაინელები არასდროს დაივიწყებენ უკრაინისადმი ბრიტანელების პატივისცემას. უკრაინის პრეზიდენტმა და დიდი ბრიტანეთის პრემიერ-მინისტრმა განიხილეს უახლოესი ერთობლივი გეგმები და შესაძლებლობები. ზელენსკის განცხადებით, უკრაინისთვის მნიშვნელოვანია ბრიტანეთის მონაწილეობა ევროპის დაცვისკენ მიმართულ ყველა ინიციატივაში. ასევე ნახეთ Telegraph: სტარმერი ტრამპს წარუდგენს უკრაინაში 30 000 ევროპელი სამხედროს გაგზავნის გეგმას დიდი ბრიტანეთის მთავრობის ინფორმაციით, პრემიერ-მინისტრმა კირ სტარმერმა უკრაინის პრეზიდენტ ვოლოდიმირ ზელენსკისთან საუბრისას ხაზი გაუსვა ყველა მხარის ერთობლივი მუშაობის აუცილებლობას. პრემიერმა სტარმერმა პრეზიდენტ ზელენსკის, როგორც უკრაინის დემოკრატიულად არჩეულ ლიდერს, მხარდაჭერა გამოუცხადა და უთხრა, რომ ომის დროს სრულიად გონივრულია არჩევნების გადადება, როგორც ეს ბრიტანეთმა გააკეთა მეორე მსოფლიო ომის დროს. ამასთან, დიდი ბრიტანეთის პრემიერ-მინისტრმა ისევ განაცხადა, რომ მხარს უჭერს აშშ-ის ხელმძღვანელობით ძალისხმევას უკრაინაში მყარი მშვიდობის მისაღწევად, რომელიც რუსეთს შეაკავებს მომავალში ნებისმიერი აგრესიისგან. 18 თებერვალს აშშ-ის პრეზიდენტმა დონალდ ტრამპმა უკრაინის პრეზიდენტი ვოლოდიმირ ზელენსკი გააკრიტიკა იმის გამო, რომ ქვეყანაში საპრეზიდენტო არჩევნები არ ჩატარდა და განაცხადა, რომ ზელენსკის რეიტინგი 4%-ზეა. რას ეფუძნება ეს მონაცემი, ტრამპს არ უთქვამს. 19 თებერვალს მან ზელენსკის უწოდა „დიქტატორი არჩევნების გარეშე“ და „საშუალოდ წარმატებული კომიკოსი". 19 თებერვალს კიევის სოციოლოგიის საერთაშორისო ინსტიტუტმა გამოაქვეყნა 4-9 თებერვალს ჩატარებული გამოკითხვის შედეგები, რომელთა თანახმად, ვოლოდიმირ ზელენსკის ენდობა უკრაინელების 57% და არ ენდობა 37%. დონალდ ტრამპის პასუხად უკრაინის პრეზიდენტმა განაცხადა, რომ შეერთებული შტატების პრეზიდენტი რუსეთისგან მომდინარე დეზინფორმაციულ სივრცეში ცხოვრობს და პუტინს ეხმარება მრავალწლიანი იზოლაციიდან გამოსვლაში. ასევე ნახეთ ზელენსკი ტრამპის სამიზნედ - რატომ დაიძაბა უკრაინისა და აშშ-ის ლიდერების ურთიერთობა? ასევე ნახეთ ვენსმა "სამარცხვინო" უწოდა ზელენსკის მიერ ტრამპის კრიტიკას 19 თებერვალს, ღამით, უკრაინის პრეზიდენტი ვოლოდიმირ ზელენსკი ტელეფონით ესაუბრა საფრანგეთის პრეზიდენტ ემანუელ მაკრონსაც. უკრაინის პრეზიდენტის ოფისის ცნობით, მაკრონმა ზელენსკის მიაწოდა ინფორმაცია ევროპის ქვეყნებისა და კანადის ლიდერებთან მისი კონტაქტების შესახებ და განაცხადა, რომ ევროპას სჭირდება მდგრადი მშვიდობა, რომ...