სააგენტო Reuters-ი ავრცელებს ინფორმაციას, რომ ისრაელის პრემიერ-მინისტრის, ბენიამინ ნეთანიაჰუს თქმით, ღაზის სექტორის გარშემო ისრაელი და აშშ სრულ თანამშრომლობაში არიან. ეს ნეთანიაჰუმ თქვა აშშ-ის სახელმწიფო მდივან მარკო რუბიოსთან შეხვედრის შემდეგ, როცა პალესტინელთა თემის გარდა, ასევე განიხილეს ირანის და ლიბანში ცეცხლის შეწყვეტის საკითხები. ნეთანიაჰუმ რუბიოს მადლობა უთხრა აშშ-ის „უპირობო მხარდაჭერისთვის“ და თქვა, რომ ისრაელი და აშშ დონალდ ტრამპის პრეზიდენტობის პირობებში საერთო სტრატეგიას მიმართავენ პალესტინელთა ანკლავის მიმართ, სადაც ბოლო 15- თვიანი ომის შემდეგ მოქმედებს მყიფე ზავის პირობები ისრაელს და ჰამასს (აშშ-სა და ევროკავშირში გამოცხადებულია ტერორისტულ დაჯგუფებად) შორის. „ვინც ახლა გვისმენს, მინდა დავარწმუნო ყველა, რომ პრეზიდენტ ტრამპთან სრული თანამშრომლობა და კოორდინაცია გვაქვს“, - თქვა ნეთანიაჰუმ. ასევე Reuters-ი იტყობინება, რომ მარკო რუბიოს თქმით, ის ეთანხმება ისრაელის პრემიერ-მინისტრს იმაში, რომ ირანი „ერთადერთი უდიდესი წყაროა არასტაბილურობისა რეგიონში“. პრესკონფერენციაზე რუბიომ თქვა, რომ „ბირთვული ირანი არ იქნება“. ასევე ნახეთ აშშ-ის წარმომადგენლები უკრაინის სამშვიდობო მოლაპარაკებას საუდის არაბეთში დაიწყებენ. ტელეფონით ისაუბრეს რუბიომ და ლავროვმა ასევე ნახეთ ისრაელი და ჰამასი მძევლებსა და პატიმრებს ცვლიან ...