ისრაელის პრემიერ-მინისტრი ბენიამინ ნეთანიაჰუ 4 თებერვალს თეთრ სახლში შეხვდა აშშ-ის პრეზიდენტს, დონალდ ტრამპს. მათი საუბრის თემა იყო ღაზის სექტორში ცეცხლის შეწყვეტის შესახებ მოლაპარაკება აშშ-ის პრეზიდენტის შეთავაზების ფონზე, პალესტინელები სამუდამოდ გადაასახლონ ომის შედეგად დაზარალებული ღაზის სექტორიდან, პალესტინელთა ტერიტორიიდან. „ვისურვებდი, რომ მათთვის გაგვეკეთებინა რაღაც სასიამოვნო, რაღაც კარგი, რომ მათ უკან დაბრუნების სურვილი აღარ ჰქონდეთ“, - თქვა ტრამპმა ნეთანიაჰუსთან ოვალურ კაბინეტში შეხვედრისას. "რისთვის უნდა სურდეთ უკან დაბრუნება? იქ ჯოჯოხეთია", - განაცხადა აშშ-ის პრეზიდენტმა პალესტინელებისა და ღაზის სექტორის შესახებ, სადაც 2023 წლის ოქტომბრის შემდეგ მიმდინარე ომის შედეგად თითქმის მთლიანად განადგურებულია ინფრასტრუქტურა და შენობების 90 პროცენტი დანგრეულია. ტრამპმა ადრე თქვა, რომ პალესტინელებს „მოეწონებათ“ მისი გეგმა ღაზის სექტორიდან მათი გადაყვანის და ახლო აღმოსავლეთის სხვა ქვეყნებში, მათ შორის ეგვიპტესა და იორდანიაში, გადასახლების შესახებ. ტრამპმა 4 თებერვალს ასევე განაცხადა, რომ მხარს დაუჭერს პალესტინელების სამუდამოდ გადასახლებას ღაზიდან იმ ადგილებში, სადაც მათ ძალადობის მიმართ შიშის გარეშე შეეძლებათ ცხოვრება. ტრამპმა ისრაელის პრემიერ-მინისტრს უთხრა, რომ ის და მისი გუნდი განიხილავენ პალესტინელების განსახლების შესაძლებლობას იორდანიასთან, ეგვიპტესთან და რეგიონის სხვა ქვეყნებთან. ტრამპმა ნეთანიაჰუსთან მოლაპარაკების შემდეგ ჟურნალისტებს უთხრა, რომ აშშ იკისრებს კონტროლს ომით განადგურებულ ღაზის სექტორზე. "აშშ-ს ეყოლება ღაზა კონტროლის ქვეშ, და ჩვენ ჩავატარებთ იქ სამუშაოს. ჩვენ დავეპატრონებით მას. ჩვენ ვიქნებით პასუხისმგებელი ყველა არაფეთქებული ბომბის და სხვა იარაღისთვის ამ ტერიტორიაზე". ტრამპმა თქვა, რომ სურს იხილოს ისეთი შეთანხმება, რომელიც ადამიანებს შეაძლებინებს "სამუდამოდ დასახლდნენ ლამაზ სახლებში, სადაც ისინი ბედნიერი იქნებიან და არ ესვრიან და არ დახოცავენ“. ტრამპი ისრაელსა და ჰამასს (აშშ-სა და ევროკავშირში მიჩნეულია ტერორისტულ ორგანიზაციად) შორის ცეცხლის შეწყვეტას მიიწერს 15 თვეზე ხანგრძლივი ბრძოლისა და დაბომბვის შემდეგ და სავარაუდოდ, მოუწოდებდა ნეთანიაჰუს, გადასულიყო ცეცხლის შეწყვეტის შეთანხმების შემდეგ ეტაპზე, რომელიც მიზნად ისახავს უფრო ხანგრძლივი მშვიდობის დამყარებას. როდესაც AFP-მა ჰკითხა, რამდენად ოპტიმისტურად იყო განწყობილი ცეცხლის შეწყვეტის მეორე ფაზაზე გადასვლის თაობაზე, ნეთანიაჰუმ უპასუხა, რომ „შეეცდებიან“. ბენიამინ ნეთანიაჰუმ ტრამპთან შეხვედრის შემდეგ განაცხადა, რომ ტრამპისეულ გეგმას ღაზის სექტორში შეუძლია "ისტორია შეცვალოს". ნეთანიაჰუმ ტრამპს მიმართა, რომ ის არის "ყველაზე დიდი მეგობარი, რომელიც ოდე...