„ჩვენ, რა თქმა უნდა, მივესალმებით სომხეთის პარტნიორობის გაძლიერებას და გაღრმავებას ევროკავშირთან და აშშ-სთან. ეს, ვფიქრობთ, რომ ძალიან კარგი და მისასალმებელია რეგიონისთვის და, რა თქმა უნდა, მოხარულები ვართ, რომ ამ მიმართულებით ვითარდება ჩვენი მეზობელი ქვეყნის ურთიერთობები პარტნიორებთან“, - თქვა მაკა ბოჭორიშვილმა. ასევე ნახეთ სომხეთში ევროკავშირთან უვიზო მიმოსვლას ელოდებიან, საქართველოში - მისი გაუქმების ეშინიათ ბოლო რამდენიმე კვირის განმავლობაში სომხეთმა აშშ-სთან და ევროკავშირთან დასაახლოებლად მნიშვნელოვანი ნაბიჯები გადადგა: სომხეთის მთავრობამ 9 იანვარს ევროკავშირში გაწევრიანების პროცესის დაწყების შესახებ კანონპროექტი დაამტკიცა; 14 იანვარს აშშ-მა და სომხეთმა ხელი მოაწერეს სტრატეგიული პარტნიორობის დოკუმენტს. ასევე ნახეთ შეერთებულმა შტატებმა და სომხეთმა სტრატეგიული პარტნიორობა დაამყარეს ასევე ნახეთ რას ცვლის სომხეთ-ამერიკის სტრატეგიული პარტნიორობა რეგიონში? მაკა ბოჭორიშვილი „ქართული ოცნების“ წარმომადგენელია - ამ პარტიის მმართველობის პერიოდში აშშ-მა საქართველოს სტრატეგიული პარტნიორობა შეუწყვიტა, მმართველი პარტიის დამფუძნებელ ბიძინა ივანიშვილს კი დემოკრატიული ინსტიტუტებისთვის ძირის გამოთხრის, ადამიანის უფლებათა დარღვევისა და ფუნდამენტური თავისუფლებების დაცვისთვის ხელის შეშლის გამო სანქცია დაუწესა. ასევე ნახეთ აშშ-ის სახაზინო დეპარტამენტმა ბიძინა ივანიშვილს სანქციები დაუწესა | ყველა დეტალი ერთად „ქართული ოცნების“ ხელისუფლებამ მიიღო კანონები, რომლებიც მნიშვნელოვნად აუარესებს გამოხატვის თავისუფლებასა და უმცირესობის უფლებებს და პრობლემურია კრიტიკული მედიისა და არასამთავრობო ორგანიზაციების მიმართ. ამ მიზეზით ევროკავშირის წარმომადგენლებმა თქვეს, რომ ქვეყნის ევროინტეგრაციის პროცესი შეჩერებულია. მას შემდეგ, 2024 წლის 28 ნოემბერს, „ქართულმა ოცნებამ“ განაცხადა, რომ მომდევნო ოთხი წლის განმავლობაში აღარ დააყენებს დღის წესრიგში ქვეყნის ევროინტეგრაციაზე მოლაპარაკების გახსნის საკითხს. ასევე ნახეთ „ქართულ ოცნებას“ 2028 წლის ბოლომდე ევროკავშირთან მოლაპარაკების გახსნა არ სურს მას შემდეგ, უკვე ორ თვეზე მეტია, უწყვეტად იმართება ხალხმრავალი საპროტესტო აქციები, რომლებზეც პოლიციამ იძალადა დემონსტრანტებსა და ჟურნალისტებზე. არცერთი მოძალადე პოლიციელი დაკავებული არაა. 28 ნოემბრის შემდეგ შინაგან საქმეთა სამინისტრომ სისხლის სამართლის წესით დააკავა 45 ადამიანი. ყველა მათგანს რამდენიმეწლიანი პატიმრობა ემუქრება. მასალა არქივიდან ყველა ნაცემია, მანქანებში სხედან, რიგებია - ადვოკატები ჰყვებიან, რა ხდება იზოლატორებში გუშინ, 29 იანვარს, ევროპის საბჭოს საპარლამენტო ასამბლეამ მიიღო...