ინფორმაციას ჩეხეთის საგარეო საქმეთა მინისტრი იან ლიპავსკი ავრცელებს. „დღეს, ჩემი ინიციატივით, მთავრობამ სანქციები დაუწესა შინაგან საქმეთა სამინისტროს სამ თანამშრომელს“, - წერს მინისტრი ლიპავსკი. „მიზეზი არის მათი პირდაპირი პასუხისმგებლობა გასულ წელს საქართველოში პროტესტის სასტიკ ჩახშობაში. ჩვენ ისინი არ გვინდა ჩეხეთის რესპუბლიკაში“, - წერს ის პლატფორმა X-ზე. три ჩეხური მედიის ცნობით, სანქცირებული არიან: ზვიად ხარაზიშვილი, იგივე „ხარება“ - შსს-ის განსაკუთრებულ დავალებათა დეპარტამენტის უფროსი. ის აშშ-ის, ბრიტანეთისა და ბალტიის ქვეყნების მიერ არის სანქცირებული; ვაჟა სირაძე, საპატრულო პოლიციის უფროსი; მირზა კეზევაძე, ხარაზიშვილის მოადგილე. ასევე ნახეთ შვილის ლიკვიდიაციით დამემუქრნენ, ხარებას მოადგილე ფიზიკურად დამიპირისპირდა - გდდ-ს სამმართველოს ყოფილი უფროსი მათ ჩეხეთში შესვლა ეკრძალებათ. „მსგავსი სიები უკვე აქვთ მიღებული ბალტიის ქვეყნებს, შეერთებულ შტატებს, დიდ ბრიტანეთსა და უკრაინას“, - მედიის ცნობით, განაცხადა მან. მინისტრის განცხადებით, ეს არის პირველი შემთხვევა, როდესაც ჩეხეთი სანქციებს აწესებს ადამიანის უფლებათა დარღვევისათვის: „კონტექსტისათვის, - წინა შეზღუდვები დაწესდა უკრაინის წინააღმდეგ რუსული აგრესიის მხარდაჭერისათვის“. იან ლიპავსკი, ჩეხეთის საგარეო საქმეთა მინისტრი საქართველოს თანამდებობის პირებისათვის სანქციები დაწესებული აქვთ შეერთებულ შტატებს, გაერთიანებულ სამეფოს, უკრაინას, ასევე, ევროკავშირის რამდენიმე წევრ ქვეყანას - ლიეტუვას, ლატვიასა და ესტონეთს. ამასთან, ევროკომისიის ინიციატივითა და ევროკავშირის საბჭოს გადაწყვეტილებით, ქართველ დიპლომატებსა და ოფიციალურ პირებს უვიზო მიმოსვლის უფლება უჩერდებათ. გარდა ამისა, ესტონეთი საჭიროდ მიიჩნევს საქართველოსთან ლიბერალური სავიზო რეჟიმის გაუქმების პროცესის დაწყებას. ამის შესახებ ქვეყნის საგარეო საქმეთა მინისტრმა მარგუს ცაჰკნამ განაცხადა 27 იანვარს. ევროკავშირის ელჩი საქართველოში, პაველ ჰერჩინსკი აცხადებს, რომ „ევროკავშირის წევრ ქვეყნებთან სანქციებზე დისკუსიები გაგრძელდება“. „სამწუხაროდ, ჯერ კიდევ არ გვაქვს კონსენსუსი, - რაც საჭიროა სანქციების დასაწესებლად, - მაგრამ, ვიცი რა, როგორ სურთ ევროკავშირის ლიდერებს [კონსენსუსის მიღწევა], ჩვენ ვეცდებით ამას, კვლავ ვიმუშავებთ კონსენსუსის მიღწევაზე“, - განაცხადა ჰერჩინსკიმ 28 იანვარს. ასევე ნახეთ შოკირებული ვარ. იმედია, მისი პატიმრობა მალე დასრულდება - ევროკავშირის ელჩი ამაღლობელზე ...