„[დღეს] სახელგანთქმული ჟურნალისტის, მზია ამაღლობელის შიმშილობის მე-18 დღეა“, - წერს ნორვეგიის საგარეო სამინისტრო პლატფორმა X-ზე. „გაუმართლებელი წინასწარი პატიმრობა კიდევ ერთი მაგალითია მედიის წარმომადგენლების, აქტივისტებისა და მომიტინგეების მიმართ მკაცრი რეპრესიებისა“, - აცხადებს სამინისტრო. три 29 იანვარსვე ევროკავშირმა სოლიდარობა გამოუცხადა მზია ამაღლობელს, ონლაინგამოცემების, „ბათუმელებისა“ და „ნეტგაზეთის“ დირექტორს, რომელიც ციხეში უკვე მე-18 დღეა შიმშილობს. „საქართველოს ახალგაზრდა იურისტთა ასოციაციის“ შეფასებით, ამაღლობელის სიცოცხლეს საფრთხე ემუქრება. მზია ამაღლობელი ჯერ 11 იანვარს დააკავეს ადმინისტრაციული წესით, შემდეგ კი გამოუშვეს და რამდენიმე საათში, - უკვე 12 იანვარს, - ხელახლა დააკავეს, ამჯერად სისხლის სამართლის წესით. მზია ამაღლობელს ბათუმის პოლიციის უფროსისთვის, ირაკლი დგებუაძისთვის სილის გაწვნის გამო „პოლიციელზე თავდასხმას“ ედავებიან. მას 4-დან 7 წლამდე პატიმრობა ემუქრება. ასევე ნახეთ როგორ არის შიმშილობის მე-17 დღეს მზია ამაღლობელი - ვესაუბრეთ ადვოკატებს, ექიმებს, ოფიციალურ უწყებებს როგორც მზია ამაღლობელის მეგობრები და კოლეგები ამბობენ, მას აქვს რამდენიმე სახის ქრონიკული დაავადება; ასობით საერთაშორისო და ადგილობრივი უფლებადამცველი ორგანიზაცია, მრავალი უცხოელი და ქართველი პოლიტიკოსი, 300-ზე მეტი ქართველი ჟურნალისტი და რედაქტორი მოუწოდებენ „ქართული ოცნების“ ხელისუფლებას, მზია ამაღლობელი გათავისუფლდეს პატიმრობიდან; უსამართლო, უსაფუძვლო, დაუსაბუთებელი - ასე აფასებენ იურისტები ამაღლობელის დაპატიმრებას და ბრალდებას და ამბობენ, რომ ალიყური, იგივე სილა, რომელიც მზია ამაღლობელმა პოლიციელს გააწნა, თავდასხმად ვერ ჩაითვლება. ასევე ნახეთ ევროკავშირი მზია ამაღლობელის სასწრაფოდ გათავისუფლების მოწოდებით გამოდის - ევროკავშირის წარმომადგენლობა ...