თბილისის საქალაქო სასამართლოს მოსამართლემ არ გაითვალისწინა დაცვის მხარის მოთხოვნა დაკავებულის გირაოთი (10 ათასი ლარი) გათავისუფლებაზე. პროკურორმა თქვა, რომ ხედავს მიმალვისა და განმეორებითი დანაშაულის ჩადენის საფრთხეებს. „ის, რომ ბრალდებულებს შეუძლია, ქუჩაში, სადაც პოლიციელების გარდა, სხვა ადამიანებიც იმყოფებიან, ისროლოს „მოლოტოვის კოქტეილი“ ისე, რომ სხვებს შეუქმნის საფრთხეს, ეს მიუთითებს პიროვნების ხასიათზე და ქმნის დასაბუთებულ ვარაუდს, რომ ის განმეორებით დანაშაულს ჩაიდენს“, - თქვა პროკურორმა. პროკურორი როინ ხინთიბიძე ანრი კვარაცხელიას ადვოკატმა ლაშა ცუცქირიძემ ისაუბრა მოწმის ჩვენებებზე საქმეში: „ჩვენებები შინაარსობრივად აცდენილია და არ ასახავს ბრალს, ხელს არ ადებენ, რომ ანრი კვარაცხელიამ რაიმე კანონსაწინააღმდეგო ქმედება განახორციელა“. ადვოკატმა ჰაბიტოსკოპიური ექსპერტიზის შედეგი დააყენა ეჭვქვეშ. მისი თქმით, ექსპერტმა ანზორ კვარაცხელია ამოიცნო საქმეში არსებული პირველი ვიდეოჩანაწერიდან ამოღებულ კადრში, მეორე კადრი კი, რომელშიც პირს სახე დაფარული აქვს, არ შეუსწავლია. ანრი კვარაცხელია მოსამართლე თარაშვილმა თქვა, რომ არ არსებობს ახალი გარემოება, რომელიც აღკვეთის ღონისძიების შეცვლის საფუძველი გახდებოდა: „არ არის აუცილებელი, ვინმეს სახით გვქონდეს დაზიანება, მომეტებული საფრთხის დანაშაულია“. ნინო თარაშვილი გამოკითხვის ოქმის მიხედვით, ანრი კვარაცხელიამ დაკავების შემდეგ აღიარა, რომ მან ისროლა „მოლოტოვის კოქტეილი“. მისი ადვოკატის თქმით, ის ფსიქოლოგიური ზეწოლის მსხვერპლი იყო და აღიარებითი ჩვენების დაწერის დროს ადვოკატი არ ახლდა. ანზორ კვარაცხელია 5 დეკემბერს საკუთარ სახლში დააკავეს. პროკურატურა ამტკიცებს, რომ ის თავს დაესხა გდდ-ს თანამშრომელს და მოლოტოვის კოქტეილი ესროლა. სისხლის სამართლის კოდექსის 353-ე პრიმა მუხლის პირველი ნაწილით, ანზორ კვარაცხელიას 4-დან 7 წლამდე პატიმრობა ემუქრება. დაკავებამდე გაჩხრიკეს კვარაცხელიას საცხოვრებელი სახლი. მისმა ცოლმა, ნუცა ერემიანმა, რადიო თავისუფლებასთან გაიხსენა, როგორც ცდილობდნენ პოლიციელები სახლში მოტყუებით შესვლას და როგორ გაუსწორდნენ ფიზიკურად მას, ანრისა და ანრის დას. Embed share ანრი კვარაცხელიას დაკავების ოპერაცია Embed share The code has been copied to your clipboard. width px height px Facebook-ზე გაზიარება Twitter-ზე გაზიარება The URL has been copied to your clipboard No media source currently available 0:00 0:08:49 0:00 ოჯახი ავლაბარში, კერძო სახლში ცხოვრობს. ნუცა ერემიანის თქმით, მისი ქმრის და...