უკრაინის პრეზიდენტმა ვოლოდიმირ ზელენსკიმ განაცხადა, რომ ვლადიმირ პუტინს "ეშინია მოლაპარაკებების, ეშინია ძლიერი ლიდერების და ყველაფერს აკეთებს ომის გასაჭიანურებლად". ზელენსკი ასეთი კომენტარით გამოეხმაურა პუტინის მანამდე გაკეთებულ განცხადებას, რომ არ არის მზად, ხელი მოეწეროს სამშვიდობო ხელშეკრულებას უკრაინის პრეზიდენტ ვოლოდიმირ ზელენსკისთან, რომელსაც "არალეგიტიმურად" მიიჩნევს. ასევე ნახეთ პუტინის თქმით, ის მზად არ არის ზელენსკისთან სამშვიდობო შეთანხმების ხელმოწერისთვის ზელენსკის თქმით, ახლა "არსებობს რეალური მშვიდობის მიღწევის შესაძლებლობა", მაგრამ პუტინი ყველაფერს აკეთებს იმისათვის, რომ "ან გააგრძელოს სრულმასშტაბიანი მკვლელობა, ან მიიღოს პაუზა და მომავალში ჰიბრიდული დარტყმებით, კვლავ მოამზადოს ახალი სრულმასშტაბიანი შეჭრა." ზელენსკიმ მოუწოდა მსოფლიო ლიდერებს, გაითვალისწინონ წარსულის შეცდომები და რუსეთს მშვიდობა "აიძულონ". ზელენსკი დარწმუნებულია, რომ აშშ-ის პრეზიდენტმა დონალდ ტრამპმა შესაძლოა, რუსეთ-უკრაინის ომი უფრო სწრაფად დაასრულოს, ვიდრე ვინმე სხვამ, თუმცა მან ჯერ არ იცის ყველა დეტალი. ზელენსკის თქმით, სამართლიანი მშვიდობის მისაღწევად ყველა მხარის სურვილია საჭირო, მაგრამ რუსეთის პრეზიდენტ ვლადიმირ პუტინს ჯერ არ გამოუვლენია ასეთი მშვიდობისკენ სწრაფვის სურვილი. ზელენსკიმ ასევე აღნიშნა უკრაინის უსაფრთხოების გარანტიების უზრუნველყოფის მნიშვნელობა, რაც, მისი აზრით, ევროპამ და შეერთებულმა შტატებმა უნდა გააკეთონ. ასევე ნახეთ ზელენსკი: ტრამპს მართლა სურს ომის დასრულება, პუტინს კი - არა ...