თავდაცვისა და კოსმოსის საკითხებში ევროკავშირის კომისარი ანდრიუს კუბილიუსი გამოვიდა მოწოდებით, შეიქმნას „ევროპული კოსმოსური ფარი“ კოსმოსში თავდაცვით ძალისხმევათა გასაერთიანებლად. „მსურს, დიალოგი დავიწყო წევრ ქვეყნებთან და კოსმოსურ სარდლობებთან, რათა შესაძლებლობები განვიხილოთ ევროპის კოსმოსურ სფეროში გათვითცნობიერებულობის ასამაღლებლად, რათა მონიტორინგი გავუწიოთ საფრთხეებს, მათ შორის სამხედროს“, თქვა კუბილიუსმა ევროპის მე-17 კოსმოსურ კონფერენციაზე გამოსვლისას. მისი სიტყვებით, ქვეყნებს შორის სულ უფრო იზრდება კონკურენცია კოსმოსში დომინირებისთვის. უკრაინაში სრულმასშტაბიანი შეჭრის დასაწყისში რუსეთი ჩინეთთან გაერთიანდა ისეთი პროექტების რეალიზაციისთვის, როგორიცაა ერთობლივი ატომური ელექტროსადგურები მთვარეზე. „კოსმოსს საჯიჯგნად ვერ დავუტოვებთ აგრესიულ ავტორიტარულ სახელმწიფოებს. ევროპამ უნდა შეინარჩუნოს კოსმოსში ლიდერობა,“ თქვა კუბილიუსმა. როგორც BBC შენიშნავს, უკანასკნელ წლებში რუსეთი უკვე აღარ ცდილობს კოსმოსის ათვისების სფეროში აშშ-ისა და ჩინეთის დევნას. ყველაზე ამბიციური და ძვირადღირებული პროექტები, რომელთა შორისაა, სხვათა შორის, მთვარის ბაზის მშენებლობაც, ფაქტობრივად შეჩერებულია. ასევე ნახეთ ტრამპმა ხელი მოაწერა განკარგულებას აშშ-ის საჰაერო თავდაცვის ახალი სისტემის შექმნის შესახებ ...