სერბეთის პრემიერ-მინისტრი მილოშ ვუჩევიჩი გადადგა სტუდენტთა საპროტესტო გამოსვლების ფონზე. მასობრივი საპროტესტო გამოსვლები სერბეთში უკვე ორი თვეა გრძელდება. დემონსტრაციები დაიწყო ნოვი-სადში, რკინიგზის სადგურზე ბეტონის სახურავის ჩამონგრევის შემდეგ, რასაც 15 ადამიანი ემსხვერპლა. სტუდენტები, რომლებსაც მხარს უჭერენ ოპოზიციონერი აქტივისტები და სამოქალაქო საზოგადოების წარმომადგენლები, ტრაგედიაში ხელისუფლებას ადანაშაულებენ და თვლიან, რომ უხარისხო რემონტის მიზეზი კორუფცია იყო. თავიდან დემონსტრანტები მომხდარის გამჭვირვალე გამოძიებას ითხოვდნენ, მაგრამ მოგვიანებით, როცა ხელისუფლებამ ეს არ შეასრულა, წამოაყენეს პოლიტიკური მოთხოვნები. სტუდენტთა მოთხოვნებს შორისაა გარდამავალი მთავრობის შექმნა, რომელიც ვადამდელ არჩევნებს მოამზადებს. ასევე ნახეთ FT: სერბეთი ჭურვებს აწვდის უკრაინის მოკავშირეებს, პრეზიდენტ ვუჩიჩს არ აინტერესებს, შემდეგ რა ბედი ეწევა მათ ...