დღეს, 27 იანვარს, ბრიუსელში ევროკავშირის საგარეო საქმეთა საბჭოს სხდომის დაწყებამდე, ევროკავშირის წევრი ქვეყნების საგარეო საქმეთა მინისტრებმა პრესასთან საქართველოსთან დაკავშირებით გააკეთეს კომენტარები. სავიზო რეჟიმის ლიბერალიზაციის შეჩერება - ესტონეთი ესტონეთის საგარეო საქმეთა მინისტრის, მარგუს ცაჰკნას განცხადებით, ესტონეთმა წამოაყენა ინიციატივა საქართველოსათვის სავიზო რეჟიმის ლიბერალიზაციის შეჩერების თაობაზე. „არ ვამბობ, რომ ეს პროცესი ხვალვე დაიწყოს, მაგრამ ეს პროცესი უნდა დავიწყოთ, რათა ნათელი, მკაფიო გზავნილი გავუგზავნოთ მთავრობას“, - განუცხადა ჟურნალისტებს მარგუს ცაჰკნამ. ასევე ნახეთ ესტონეთის ინიციატივაა, დაიწყოს საქართველოსთვის სავიზო ლიბერალიზაციის შეჩერების პროცესი გასულ კვირას ევროკავშირის ელჩებმა გამოხატეს მზაობა საქართველოს დიპლომატიური პასპორტის მფლობელებისთვის უვიზო რეჟიმის შეჩერებაზე. რადიო თავისუფლების ინფორმაციით, უნგრეთი და სლოვაკეთი არ აპირებენ მხარი დაუჭირონ ამ გადაწყვეტილებას ევროკავშირის საბჭოს სხდომაზე. თუმცა, ეს არ იმოქმედებს შედეგზე, რადგან მის მისაღებად საჭიროა მხოლოდ კვალიფიციური უმრავლესობა. ასევე ნახეთ რას უნდა ველოდოთ ევროკავშირისგან 2025 წელს დიპლომატიური პასპორტებისათვის უვიზო რეჟიმის გაუქმებასთან დაკავშირებით დღეს ისაუბრეს ლატვიისა და ნიდერლანდის საგარეო საქმეთა მინისტრებმაც. ჟურნალისტები - ნიდერლანდი ნიდერლანდის საგარეო საქმეთა მინისტრმა კასპარ ველდკამპმა „მნიშვნელოვანი პირველი ნაბიჯი“ უწოდა ამ გადაწყვეტილებას. მან ასევე განაცხადა, რომ ემხრობა პერსონალურ სანქციებს. „ნიდერლანდი ყოველთვის მხარს უჭერდა [და ახლაც უჭერს] პერსონალური სანქციების დაწესებას მათთვის, ვინც პასუხისმგებელია რეპრესიებზე“, - განაცხადა მინისტრმა. მან ასევე ძლიერი შეშფოთება გამოხატა „ჟურნალისტებისა და ჟურნალისტების თავისუფლებასთან დაკავშირებული საკითხებით“. „ბათუმელების“ დამფუძნებელი მზია ამაღლობელი, რომელსაც სილის გაწვნის გამო 4-დან 7 წლამდე პატიმრობა ემუქრება, - რასაც იურისტები, ჟურნალისტები, პოლიტიკოსები, საპროტესტო დემონსტრაციების მონაწილეები და ათობით საერთაშორისო უფლებადამცველი ორგანიზაცია არაპროპორციულ ზომად და მის დასჯის ზომად მიიჩნევენ, - მე-16 დღეა, შიმშილობს. „ნიდერლანდმა ხელმისაწვდომი გახადა დამატებითი რესურსები ჟურნალისტების დასაცავად. ჩვენ ასევე ხელმისაწვდომი გავხადეთ დამატებითი რესურსები მათთვის, ვინც დემონსტრაციის ჩახშობისას დააკავეს“, - განაცხადა მან. „ახალი არჩევნები“ - ლიეტუვა ლიეტუვის საგარეო საქმეთა მინისტრმა კიასტუტის ბუდრისმა განაცხადა, რომ კრიზისიდან გამოსავალი ახალი არჩევნებია. „საუკეთესო გამოსავალი კრიზისიდან, რომელიც ახლა არის საქართველოში, არის ახალი არჩევნების ორგანიზება, რომელიც შეესაბამებ...