„უკანონო პატიმრობაში მყოფი “ბათუმელებისა” და „ნეთგაზეთის“ დამფუძნებელი მზია ამაღლობელი უკვე მეთექვსმეტე დღეა შიმშილობს. აუცილებელია დაუყოვნებელი მოქმედება“, - წერს ორგანიზაცია 27 იანვარს გამოქვეყნებულ განცხადებაში. три საია წერს, რომ მზია ამაღლობელმა საიას თავმჯდომარესთან, ნონა ქურდოვანიძესთან საუბრისას გასულ კვირაში აღნიშნა, რომ მისი შიმშილობა არის პროტესტი უსამართლობის წინააღმდეგ და ეს ნაბიჯი არ ემსახურება შეღავათების მოთხოვნას. ასევე ნახეთ „სისხლით დავიჭერ“ - პროკურატურა „ბათუმელების“ დირექტორის წინასწარ პატიმრობას ითხოვს თუმცა საია, როგორც მისი უფლებების დამცველი ორგანიზაცია, მოუწოდებს იუსტიციის სამინისტროს, „დაუყოვნებლივ გააკეთოს განცხადება და პერიოდულად მიაწოდოს საზოგადოებას ინფორმაცია მზია ამაღლობელის ჯანმრთელობის მდგომარეობის შესახებ“. „ციხის ადმინისტრაცია ვალდებულია, სპეციალური პროტოკოლის შესაბამისად, მისი ჯანმრთელობის მდგომარეობის სრულყოფილი და ეფექტური კონტროლი უზრუნველყოს“, - აცხადებს ორგანიზაცია. три მზია ამაღლობელის შიმშილობის მე-16 დღეს, პენიტენციური სამსახური არ ამბობს, როგორაა რუსთავის მეხუთე პენიტენციურ დაწესებულებაში პატიმრობაში მყოფი მედიამენეჯერი. რადიო თავისუფლების მიერ მზია ამაღლობელის ჯანმრთელობის მდგომარეობის შესახებ დასმულ კითხვაზე პენიტენციური სამსახურის პრესსამსახური ინფორმაციას არ გასცემს, მიუხედავად მაღალი საჯარო ინტერესისა. პრესსამსახურში გვითხრეს, რომ ინფორმაცია „წერილობით“ ვითხოვოთ, - თუმცა პასუხი ჯერჯერობით არც წერილობით მიმართვაზე არ მიგვიღია. კერძოდ, პენიტენციურ სამსახურს ვკითხეთ, როგორ არის მზია ამაღლობელი, რა ინტენსივობით ნახულობენ ექიმები, როგორ მიმდინარეობს შიმშილობის მართვა და რას აკეთებს პენიტენციური სამსახური იმისთვის, რომ მისი ჯანმრთელობის მდგომარეობა არ გაუარესდეს. რადიო თავისუფლება საიას განცხადების შემდეგ დაუკავშირდა „ქართული ოცნების“ მთავრობის იუსტიციის სამინისტროსაც. უწყებისგან პასუხის მიღების შემთხვევაში ინფორმაცია განახლდება. три მზია ამაღლობელის მხარდასაჭერად, მისი დაუყოვნებლივ გათავისუფლების მოთხოვნით ყოველდღე იმართება აქციები. ამაღლობელმა შიმშილობა 2025 წლის 12 იანვარს დაიწყო, ჯერ კიდევ წინასწარი დაკავების იზოლატორში, ბათუმში. პატიმრობის შეფარდების შემდეგ ის რუსთავის მეხუთე პენიტენციურ დაწესებულებაში იმყოფება. როგორც საიას თავმჯდომარემ, ადვოკატმა ნონა ქურდოვანიძემ განმარტა, სრული შიმშილობა - რაც ამაღლობელს აქვს გამოცხადებული - ნიშნავს, რომ „ის იღებს მხოლოდ წყალს და არ იღებს არავითარ საკვებს ან რაიმე დანამატს“. საკვებზე ხანგრძლივად უარის თქმა გავლენას ახდენს ადამიანის სხეულის უმეტეს ორგანოებსა და სისტემებზე, იწვევს კუნთების სისუსტეს, დაუცველობას ინფექციების მიმართ, ფსიქოლოგიურ პ...