ამის შესახებ უკრაინის პრეზიდენტმა ვოლოდიმირ ზელენსკიმ განაცხადა ინტერვიუში იტალიელ ჟურნალისტ ჩეჩილია სალესთან, რომელიც ირანის ხელისუფლებამ გაათავისუფლა ისლამური რესპუბლიკის კანონების დარღვევის შესახებ ბრალდებების შემდეგ. ზელენსკის თქმით, სამართლიანი მშვიდობის მისაღწევად ყველა მხარის სურვილია საჭირო, მაგრამ რუსეთის პრეზიდენტ ვლადიმირ პუტინს ჯერ არ გამოუვლენია ასეთი მშვიდობისკენ სწრაფვის სურვილი. ზელენსკიმ ასევე აღნიშნა უკრაინის უსაფრთხოების გარანტიების უზრუნველყოფის მნიშვნელობა, რაც, მისი აზრით, ევროპამ და შეერთებულმა შტატებმა უნდა გააკეთონ. ასევე ნახეთ შესაძლებელია თუ არა, რომ ტრამპმა უგულებელყოს უკრაინა და მის გარეშე მიაღწიოს პუტინთან შეთანხმებას? თავის მხრივ, ევროკავშირის სამხედრო კომიტეტის ხელმძღვანელმა, ავსტრიელმა გენერალმა რობერტ ბრიგერმა გერმანულ გამოცემა Welt-თან ინტერვიუში განაცხადა, რომ რუსეთსა და უკრაინას შორის შესაძლო ცეცხლის შეწყვეტას შეიძლება მხარი დაუჭირონ საერთაშორისო ძალებმა გაეროს ეგიდით. ასეთი კონტინგენტის ბირთვი, ბრიგერის თქმით, შეიძლება შედგებოდეს ევროპის ქვეყნების სამხედროებისგან, ასევე სხვა რეგიონების წარმომადგენლებისგან, როგორიცაა კავკასია ან გლობალური სამხრეთი. სამშვიდობოების მთავარი ამოცანა უნდა იყოს ორ ქვეყანას შორის საომარი მოქმედებების განახლების თავიდან აცილება. ამავე დროს გენერალმა სკეპტიკურად შეაფასა „კორეული ვარიანტის“ იდეა - კონფლიქტის გაყინვა ამჟამინდელი ფრონტის ხაზის გასწვრივ. მისი აზრით, ამგვარი გადაწყვეტა არასტაბილურია და მუდმივ დაძაბულობას იწვევს. ზელენსკიმ ადრე განაცხადა, რომ ომის შემდეგ უსაფრთხოების უზრუნველსაყოფად საჭიროა მინიმუმ 200 ათასი ჯარისკაცისგან შემდგარი სამშვიდობო კონტინგენტი. მედია იუწყება, რომ საფრანგეთი და დიდი ბრიტანეთი განიხილავენ უკრაინაში ასეთი ძალების განლაგების შესაძლებლობას, მაგრამ კონკრეტული გეგმები ჯერ არ არის წარმოდგენილი. ასევე ნახეთ დავიპყროთ სამხრეთი კავკასია, შავ ზღვას დავარქვათ რუსული - ტრამპმა კრემლის პროპაგანდისტებს მადა გაუხსნა ასევე ნახეთ ტრამპი: ომის გაგრძელებით, პუტინი „რუსეთს ანადგურებს“ ...