ირაკლი კობახიძე „ქართული ოცნების“ მთავრობის სხვა მაღალჩინოსნებთან ერთად არაბთა გაერთიანებულ საამიროებში გაემგზავრა, სადაც შეხვედრებს გამართავს არაბთა გაერთიანებული საამიროების პრეზიდენტთან, შეიხ მოჰამედ ბინ ზაიედ ალ ნაჰიანთან, ასევე არაბთა გაერთიანებული საამიროების ტოლერანტობის მინისტრთან, შეიხ ნაჰიან ბინ მუბარაქ ალ ნაჰიანთან. მთავრობის ადმინისტრაციის ცნობით, ვიზიტის ფარგლებში ხელი მოეწერება თანამშრომლობის მემორანდუმს დეველოპერულ კომპანია EMAAR-თან, რომლის ფარგლებში საქართველოში მრავალმილიარდიანი ინვესტიცია განხორციელდება. ასევე ჩატარდება შეხვედრები აბუ-დაბის სახელმწიფო საინვესტიციო კომპანიასთან და მის ლოგისტიკურ მიმართულებასთან, აბუ-დაბი პორტის ჯგუფთან. დელეგაციის შემადგენლობაში არიან თბილისის მერი კახა კალაძე და აჭარის ავტონომიური რესპუბლიკის მთავრობის თავმჯდომარე თორნიკე რიჟვაძეც. ასევე ნახეთ ზარქუა: ჯარიმა გამოიწერა, ამ 3-4 ათას დოლარს გადავიხდი, რამენაირად მოვახერხებ ...