„ჟურნალისტის დაპატიმრება რეპრესიების სხვა, უფრო სასტიკი მაგალითია. გაცილებით მძაფრი და საზოგადოებისთვის მავნე“, - წერს ზვიად ცეცხლაძე. „თუ ჩაქრება ჟურნალისტების ხმა, ჩაწყდება ჩვენი ხმაც. ჟურნალისტები არის ხიდი დღევანდელ ჯოჯოხეთისა და იმ სამშვიდობოს შორის, სადაც ჩვენი ქვეყანა უნდა გავიყვანოთ. ჩემი სოლიდარობა მზია ამაღლობელს, როგორც ძლიერ ქალს და ძლიერ ჟურნალისტს“, - წერია მის მიერ გამოგზავნილ წერილში. три ზვიად ცეცხლაძის წერილს ფეისბუკში აზიარებს მამამისი, ზურაბ ცეცხლაძეც, და წერს: „თავისუფლება მზია ამაღლობელს, თავისუფალი სიტყვის სიმბოლოს“. три ზვიად ცეცხლაძე, სტუდენტი, ახალგაზრდული მოძრაობა „დაფიონის“ დამფუძნებელი და აქციების აქტიური მონაწილეა. „დაფიონი“ ცეცხლაძემ სხვა ბათუმელ ახალგაზრდებთან ერთად უკრაინაში ომის დაწყებიდან მალევე დააფუძნა. „დაფიონმა“ ერთ-ერთი პირველი დიდი აქცია ბათუმის პორტში გამართა, როცა იქ რუსული საკრუიზო გემი გაჩერდა რამდენიმე საათით. იგი 2024 წლის 4 დეკემბერს დააკავეს, - პროევროპული საპროტესტო დემონსტრაციების მე-7 დღეს. მას პროკურატურა, სხვა არაერთი დაკავებულის მსგავსად, ჯგუფური ძალადობის ორგანიზებას ედავება, რაც 6-დან 9 წლამდე პატიმრობას გულისხმობს. ასევე ნახეთ „ბინ ლა­დენ­საც შე­შურ­დე­ბო­და მისი ბრალდება“ - 19 წლის აქტივისტის, ზვიად ცეცხლაძის ციხეში მოხვედრის ამბავი პროკურატურის მტკიცებით, 19 წლის სტუდენტი ზვიად ცეცხლაძე ძალადობას სხვებთან ერთად გეგმავდა და ხელმძღვანელობდა. შსს-ში ასევე განაცხადეს, რომ ზვიად ცეცხლაძის სახლში „მოლოტოვის კოქტეილები“ იპოვეს. ცეცხლაძემ ჩხრეკის ოქმს ხელი არ მოაწერა. მას, როგორც აქციების მონაწილე და დაკავებულ სხვა ათობით ადამიანს, დემონსტრაციების მონაწილეები, სამოქალაქო საზოგადოების ორგანიზაციები, ოპოზიციური პარტიები და მეხუთე პრეზიდენტი სალომე ზურაბიშვილი - საერთაშორისო პარტნიორების დიდ ნაწილთან ერთად - პოლიტიკურ პატიმრად მიიჩნევენ. Embed share „დე, ჩემთვის იყავი ძლიერი“ - ინტერვიუ ზვიად ცეცხლაძის დედასთან Embed share The code has been copied to your clipboard. width px height px Facebook-ზე გაზიარება Twitter-ზე გაზიარება The URL has been copied to your clipboard No media source currently available 0:00 0:16:02 0:00 მზია ამაღლობელის საქმე მზია ამაღლობელს, რომელიც ჯერ 11 იანვარს დააკავეს ადმინისტრაციული წესით, შემდეგ კი გამოუშვეს და რამდენიმე საათში, - უკვე 12 იანვარს, - კვლავ დააკავეს, ედავებიან სისხლის სამართლის დანაშაულს, „პოლიციელზე თავდასხმას". მ...