გუშინ, 22 იანვარს, მზია ამაღლობელის ჯანმრთელობის მდგომარეობის გათვალისწინებით, კოლეგებმა მას საერთო წერილით მიმართეს და მოუწოდეს, შიმშილობა შეეწყვიტა, თუმცა ის პროტესტის უკიდურესი ფორმის შეწყვეტას არ აპირებს. „აგრძელებს შიმშილობას პროტესტის ნიშნად, არის მხნედ. როგორც გადმომცა, არ შიმშილობს იმისთვის, რომ ამის გამო რაიმე შეღავათი მიიღოს, შიმშილობს პროტესტისთვის უსამართლობის გამო“, - წერს ნონა ქურდოვანიძე ფეისბუკზე. მან ასევე გამოაქვეყნა მზია ამაღლობელის დანაბარები: „დემოკრატია არ არის საჩუქარი. ჩვენმა საზოგადოებამ ეს ყველაზე კარგად იცის და ეს გამოჩნდა ახლაც. შიმშილობა რომ შევწყვიტო, ჩავთვლი, რომ თანაზიარი ვარ ამ უსამართლობის“. три მზია ამაღლობელი 2025 წლის 11 იანვარს დააკავეს ბათუმის პოლიციის უფროსის, ირაკლი დგებუაძის მითითებით - მას შემდეგ, რაც მან დგებუაძეს სილა გააწნა. სილის გაწვნის შემდეგ ამაღლობელს „პოლიციელზე თავდასხმას“ ედავებიან და 4-დან 7 წლამდე პატიმრობა ემუქრება. კოლეგები, სამოქალაქო საზოგადოება და პოლიტიკოსები მას სინდისის პატიმრად მიიჩნევენ. „თავისუფლება მზია ამაღლობელს“ - საპროტესტო აქციები ყოველდღე იმართება. 14 იანვარს აღკვეთის ღონისძიების სახით ბათუმის საქალაქო სასამართლომ მზია ამაღლობელს პატიმრობა შეუფარდა. გადაწყვეტილება სააპელაციოში გაასაჩივრეს, თუმცა ქუთაისის სააპელაციო სასამართლომ წარმოებაში არ მიიღო საჩივარი, - მიუხედავად იმისა, რომ სახალხო დამცველი სააპელაციო სასამართლოს მოუწოდებდა, მისი პატიმრობა არ გაეგრძელებინა. მზია ამაღლობელის საქმეზე წინასასამართლო სხდომა 4 მარტს არის დანიშნული. ამაღლობელის გათავისუფლების მოთხოვნით - რომელსაც პოლიტიკურ პატიმრად და სინდისის პატიმრად მიიჩნევენ, - აქციები ყოველდღე იმართება. 23 იანვარს „პრესის საერთაშორისო ინსტიტუტმა“, - 12 ორგანიზაციასთან და ერთ ინდივიდუალურ პირთან ერთად, - საქართველოს ხელისუფლებას მოუწოდა, დაუყოვნებლივ გაათავისუფლოს ონლაინგამოცემების, „ბათუმელებისა“ და „ნეტგაზეთის“ დამფუძნებელი და დირექტორი მზია ამაღლობელი. ამავე მოწოდებით გამოვიდა ევროპის საბჭოს (ევროსაბჭოს) „ჟურნალისტების უსაფრთხოების პლატფორმა“, რომელმაც განგაში ატეხა ამაღლობელის დაპატიმრების გამო. ასევე ნახეთ ევროსაბჭოს "ჟურნალისტების უსაფრთხოების პლატფორმამ" ამაღლობელის საქმეზე განგაშის სიგნალი ჩართო ამასთან, „ბათუმელების“ ოპერატორი გურამ მურვანიძე - რომელიც ადმინისტრაციული წესით დააკავეს ამაღლობელის დაკავების შემდეგ, პროფესიული მოვალეობის შესრულებისას, - ჰყვება, რომ მას ხელი შეუშალეს ჟურნალისტურ საქმიანობაში, ჩამოართვეს ტელეფონი და სიტყვიერი შეურაცხყოფა მიაყენეს. გურამ მურვანის თქმით, ის ბათუმის პოლიციის უფროსის, ირაკლი დგებუაძის ბრძანებით დააკავეს. „დგებუაძემ მკითხა, ვინ ვიყავი. როც...