„პრესის საერთაშორისო ინსტიტუტი“, 12 ორგანიზაცია და ერთი ინდივიდუალური პირი საქართველოს ხელისუფლებას მოუწოდებენ, დაუყოვნებლივ გაათავისუფლოს ონლაინგამოცემების, „ბათუმელებისა“ და „ნეტგაზეთის“ დამფუძნებელი და დირექტორი მზია ამაღლობელი. ამაღლობელი 11 იანვრის შემდეგ პატიმრობაშია - წაყენებული ბრალდების მიხედვით, მას ოთხიდან შვიდ წლამდე პატიმრობა ემუქრება. ასევე ნახეთ ევროსაბჭოს "ჟურნალისტების უსაფრთხოების პლატფორმამ" ამაღლობელის საქმეზე განგაშის სიგნალი ჩართო „საქართველოს ხელისუფლებას მოვუწოდებთ, დაუყოვნებლივ გაათავისუფლოს ჟურნალისტი, ონლაინგამოცემების „ბათუმელებისა“ და „ნეტგაზეთის“ დამფუძნებელი და დირექტორი მზია ამაღლობელი. ჩვენ ვითხოვთ მის მიმართ არასათანადო მოპყრობის საფუძვლიან გამოძიებას“, - წერია ერთობლივ განცხადებაში. три მზია ამაღლობელი 2025 წლის 11 იანვარს დააკავეს ბათუმის პოლიციის უფროსის, ირაკლი დგებუაძის მითითებით. მას „პოლიციელზე თავდასხმას“ ედავებიან. 14 იანვარს აღკვეთის ღონისძიების სახით ბათუმის საქალაქო სასამართლომ მზია ამაღლობელს პატიმრობა შეუფარდა. გადაწყვეტილება სააპელაციოში გაასაჩივრეს. 21 იანვარს ცნობილი გახდა, რომ ქუთაისის სააპელაციო სასამართლომ წარმოებაში არ მიიღო ამაღლობელისთვის წინასწარი პატიმრობის შეცვლის შესახებ საჩივარი, - მიუხედავად იმისა, რომ სახალხო დამცველი სააპელაციო სასამართლოს მოუწოდებდა, მისი პატიმრობა არ გაეგრძელებინა. მზია ამაღლობელის მხარდასაჭერად, მისი გათავისუფლების მოთხოვნით, აქცია 22 იანვარს გაიმართა ბათუმშიც, სპეციალურ საგამოძიებო სამსახურთან. 21 იანვარსვე, ვაშინგტონში ვიზიტად მყოფმა სალომე ზურაბიშვილმა ამაღლობელს მხარდაჭერა გამოუცხადა და პლატფორმა X-ზე დაწერა: „მზია ამაღლობელო, შენ მარტო არ ხარ ამ ისტორიულ ბრძოლაში საქართველოს თავისუფლებისათვის“. მზია ამაღლობელის საქმეზე წინასასამართლო სხდომა 4 მარტს არის დანიშნული. ამაღლობელის გათავისუფლების მოთხოვნით - რომელსაც სინდისის პატიმრად მიიჩნევენ, - აქციები ყოველდღე იმართება. 22 იანვარს მორიგი აქცია საქართველოს პარლამენტის სასახლესთან გაიმართა. მის დაპატიმრებას გამოეხმაურა ამერიკელი-ფილიპინელი ნობელიანტი მწერალი მარია რესა. სწორედ მისი წიგნით მივიდა მზია ამაღლობელი თავის სასამართლოზე. „როგორ დავამარცხოთ დიქტატორი“, - ასე ჰქვია მარია რესას წიგნს. ასევე ნახეთ გთხოვთ შეაჩერო შიმშილობა - მიმართავენ კოლეგები ამაღლობელს. მხარდამჭერი აქციები გრძელდება ...