სულ მცირე, 16 ადამიანი დაშავდა უკრაინის ქალაქ ზაპოროჟიეზე რუსეთის მორიგი საჰაერო შეტევის შედეგად. აფეთქებები დღეს, 23 იანვარს, გამთენიისას მოხდა. დანგრეული და დაზიანებულია რამდენიმე სახლი. ზაპოროჟიეს საოლქო-სამხედრო ადმინისტრაციის ხელმძღვანელ ივან ფიოდოროვის ინფორმაციით, 16 დაშავებულიდან ხუთის მდგომარეობა მძიმეა. დაშავებულებს შორის ოთხი მაშველია. ზაპოროჟიეზე დრონებით შეტევა იყო 22 იანვარს, ღამითაც. ერთ-ერთ რაიონში ძლიერი ხანძარი გაჩნდა. რუსული წყაროების ცნობით, დარტყმის სამიზნე ელექტროსადგური იყო. ადგილობრივ ხელისუფლებას ამის შესახებ არაფერი უთქვამს. ასევე ნახეთ ტრამპი პუტინს გადასახადებითა და სანქციებით დაემუქრა "ყველა რუსულ საქონელზე" უკრაინის ზაპოროჟიეს ოლქის ნაწილი რუსეთის მიერაა ოკუპირებული. რუსეთის ჯარები უშედეგოდ ცდილობენ მთლიანად რეგიონზე, მათ შორის ადმინისტრაციულ ცენტრზე, ქალაქ ზაპოროჟიეზე, კონტროლის დამყარებას. ...