გაეროს უშიშროების საბჭო დღეს, 9 დეკემბერს, საგანგებო სხდომაზე შეიკრიბება და სირიაში არსებულ ვითარებას განიხილავს - ისლამისტმა მეამბოხეებმა პრეზიდენტი ბაშარ ასადი 14-წლიანი მმართველობის შემდეგ განდევნეს ქვეყნიდან. საგანგებო სხდომა, რომელიც რუსეთმა მოიწვია, დახურულ კარს მიღმა გაიმართება. ამის შესახებ თქვა გაეროში რუსეთის წარმომადგენლის მოადგილემ, დმიტრი პოლინსკიმ. მსოფლიო და რეგიონული სახელმწიფოები დაპირისპირებულ ძალებს და მათ მხარდამჭერებს სირიაში სტაბილურობისკენ მოუწოდებენ. ბაშარ ასადი და მისი ოჯახი 8 დეკემბერს გაიქცნენ და რუსეთს შეაფარეს თავი, იტყობინება რუსეთის მედია. აშშ-ის ადმინისტრაციას ამის დასტური არ აქვს, მაგრამ განაცხადა, რომ მიზეზიც არ აქვს, ეჭვი შეიტანოს ამაში. მედიის თანახმად, დამასკში, სირიის დედაქალაქში, 9 დეკემბრის დილით აფეთქებების ხმა ისმოდა. ვინ დაარტყა ქალაქს, არაა ცნობილი. Reuters-ი წინა დღით იტყობინებოდა, რომ ისრაელის ავიაციამ დამასკში ობიექტები დაბომბა. რუსეთმა, ასადის ძველმა მხარდამჭერმა, განაცხადა, რომ სირიის პრეზიდენტი გადადგა და შეიარაღებული კონფლიქტის მონაწილეებთან მოლაპარაკების შემდეგ "ხელისუფლების მშვიდობიანი გადაცემის“ განკარგულება გასცა. „რუსეთი ამ მოლაპარაკებაში არ მონაწილეობადა“, - დაწერა საგარეო უწყებამ. ასევე ნახეთ სირიის დაკარგვა რუსეთისთვის სილის გარტყმა იქნება დამასკსა და სხვა ქალაქებში, ასევე მსოფლიოს ბევრ ქალაქში, სირიელები ასადის ჩამოგდებას ზეიმობენ - დაარბიეს და გაძარცვეს სამთავრობო შენობები და ასადის რეზიდენცია. სირიელ მეამბოხეთა სათავეში დგას აშშ-სა და ბევრ სხვა ქვეყანაში ტერორისტულად გამოცხადებული „ჰაიათ თაჰრირ ალ-შამი.“ სირიის შემდგომი მოწყობის საფუძვლად ზოგიერთი ქვეყანა, მათ შორის, კატარი და რუსეთი, მიიჩნევენ გაეროს უშიშროების საბჭოს 2015 წლის 2254-ე რეზოლუციას. ასევე ნახეთ ამერიკულმა თვითმფრინავებმა სირიაში დაბომბეს „ისლამური სახელმწიფოს“ ობიექტები ...