ევროკომისიის პრეზიდენტი ურზულა ფონ დერ ლაიენი საქართველოში განვითარებულ მოვლენებს სოციალურ ქსელ X-ში ეხმაურება და წერს, რომ წუხს საქართველოს ხელმძღვანელობის მიერ ევროკავშირისა და მისი ღირებულებებისგან დაშორების გამო. три მისი სიტყვებით, ევროკავშირი ქართველი ხალხისა და მათი ევროპული მომავლის არჩევანის გვერდით დგას. „ევროკავშირის კარი ღია რჩება. ევროკავშირის გზაზე საქართველოს დაბრუნება საქართველოს ხელმძღვანელობის ხელშია“, – წერს ურზულა ფონ დერ ლაიენი და აზიარებს საგარეო საქმეთა და უსაფრთხოების საკითხებში ევროკავშირის უმაღლესი წარმომადგენლის/ევროკომისიის ვიცე-პრეზიდენტის, კაია კალასისა და გაფართოების საკითხებში ევროკომისრის, მარტა კოსის ერთობლივ განცხადებას. ასევე ნახეთ ევროკავშირის უმაღლესი წარმომადგენლისა და გაფართოებაზე ევროკომისრის განცხადება: ევროკავშირი დგას საქართველოს ხალხთან "ევროკავშირი დგას საქართველოს ხალხსა და მის არჩევანთან - ჰქონდეს ევროპული მომავალი. ევროკავშირში შესასვლელი კარი ღია რჩება და საქართველოს ევროპულ ღირებულებებსა და ევროკავშირში გაწევრიანების გზაზე დაბრუნება საქართველოს ხელმძღვანელობის ხელშია" - წერია ევროკავშირის უმაღლესი წარმომადგენლის,ევროკომისიის ვიცეპრეზიდენტ კაია კალასისა და გაფართოების საკითხებში ევროკომისარ მართა კოსის ერთობლივ განცხადებაში. თბილისში და საქართველოს ქალაქებში უკვე მესამე დღეს მიდის უწყვეტი საპროტესტო გამოსვლები, რაც მოჰყვა 28 ნოემბერს, „ქართული ოცნების" მიერ გაკეთებულ განცხადებას, რომ ისინი 2028 წლის ბოლომდე დღის წესრიგში არ დააყენებენ ევროკავშირთან მის წევრობაზე მოლაპარაკების გახსნის საკითხს და 2028 წლის ბოლომდე უარს ამბობენ ევროკავშირის საბიუჯეტო გრანტებზე. ...