22 ნოემბერს, გამთენიისას აფეთქებები იყო უკრაინის ქალაქ სუმიში. საოლქო-სამხედრო ადმინისტრაციის ინფორმაციით, რუსეთის საოკუპაციო ძალებმა დრონებით შეუტიეს ქალაქის ერთ-ერთ საცხოვრებელ რაიონს. სუმის მერის, არტიომ კობზარის ცნობით, დაიღუპა, სულ მცირე, 2 და დაიჭრა 12 ადამიანი. ბოლო ხუთი დღის განმავლობაში სუმიზე დრონებით და რაკეტებით არაერთი შეტევა განხორციელდა. დაიღუპა 20-მდე მშვიდობიანი მოქალაქე, მათ შორის 3 ბავშვი. ასევე ნახეთ ზელენსკიმ რუსეთის მიერ ომის გაფართოების მცდელობად შეაფასა რაკეტა „ორეშნიკის“ გამოყენება უკრაინული დრონებით შეტევის შესახებ იუწყება რუსეთის თავდაცვის სამინისტრო. მის მიერ დილით გამოქვეყნებული მონაცემებით, 12 უპილოტო საფრენი აპარატი ჩამოაგდეს ბრიანსკის ოლქში, 9 - კალუგაში და 2 - კურსკის ოლქში. რუსეთის ამ რეგიონების გუბერნატორების მტკიცებით, დრონების მოგერიებას ხმელეთზე რაიმე ზიანი არ გამოუწვევია. საომარი მოქმედებების პირობებში მხარეთა მიერ გავრცელებული ცნობების დამოუკიდებელი წყაროებით გადამოწმება გართულებულია. ...