ბეირუთის ცენტრში ისრაელის მიერ განხორციელებულ იერიშს 17 ნოემბერს ემსხვერპლა ჰეზბოლას მთავარი პრესმდივანი, მუჰამედ აფიფი - აცხადებს ექსტრემისტული ჯგუფის ოფიციალური პირი. ჰეზბოლას ტერორისტულ ორგანიზაციად მიიჩნევს აშშ, ხოლო ევროკავშირს "შავ სიაში" შეყვანილი ჰყავს მხოლოდ მისი სამხედრო განშტოება და არა პოლიტიკური ჯგუფი, რომელსაც ლიბანის პარლამენტში წარმომადგენლები ჰყავს. ჰეზბოლა აკონტროლებს სამხრეთ ლიბანის დიდ ნაწილს. აფიფი იყო ჰეზბოლას მედიასთან ურთიერთობების განყოფილების ხელმძღვანელი, იგი დაიღუპა ბეირუთის ცენტრში მდებარე არაბთა სოციალისტური ბაათის პარტიის შტაბ-ბინაზე თავდასხმის შედეგად - ამბობს ჰეზბოლას წარმომადგენელი. აფიფი საჯაროდ ხშირად ჩანდა მას მერე, რაც სექტემბერში ისრაელსა და ჰეზბოლას შორის სრულმასშტაბიანი ომი დაიწყო და რაც ისრაელის თავდასხმის შედეგად მოკლულ იქნა ჰეზბოლას ლიდერი, ჰასან ნასრალა. ასევე ნახეთ ლიბანის მედია: ისრაელის ძალებმა მიაღწიეს ყველაზე ღრმა წერტილს ლიბანის ტერიტორიაზე ...