ბოლო შეხვედრაზე გამართული მოლაპარაკებებისას ჩინეთის ლიდერმა, სი ძინპინმა აშშ-ის პრეზიდენტს, ჯო ბაიდენს უთხრა, რომ ჩინეთი "მზადაა ითანამშრომლოს ახალ ადმინისტრაციასთან" - იმ ფონზე, როცა თეთრ სახლში დასაბრუნებლად დონალდ ტრამპი ემზადება. ორი ლიდერის შეხვედრა გაიმართა 16 ნოემბერს, პერუში, აზია-წყნარი ოკეანის ეკონომიკური თანამშრომლობის სამიტის პარალელურად. გავრცელებული მოლოდინით, ბაიდენი გეგმავდა სი ძინპინისთვის ეთხოვა ჩრდილოეთ კორეის დარწმუნება იმაში, რომ უფრო მეტად აღარ გააღრმაოს რუსეთის მხრიდან უკრაინაში წარმოებული ომის მხარდაჭერა. სი ძინპინს ტრამპის სახელი არ უხსენებია, თუმცა მიანიშნა თავის შეშფოთებაზე, რომ ეკონომიკის თაობაზე არჩეული პრეზიდენტის პროტექციონისტულმა რიტორიკამ აშშ-ჩინეთის ურთიერთობაში შესაძლოა ახალი განზომილება გამოკვეთოს. ბაიდენმა, თავის მხრივ, განაცხადა, რომ "ბოლო ოთხი წლის განმავლობაში ჩინეთისა და აშშ-ის კავშირებში იყო აღმასვლაც და დაღმასვლაც, მაგრამ ორივე ჩვენგანის ხელმძღვანელობით ჩვენ ასევე გვქონდა ნაყოფიერი დიალოგები და თანამშრომლობა, და ზოგად სტაბილურობას მივაღწიეთ". ასევე ნახეთ სი ძინპინთან ბოლო მოლაპარაკებისას ბაიდენი შეეხება ჩრდილოეთ კორეის კავშირებს რუსეთთან ...