სულ მცირე, ერთი ადამიანი დაიღუპა და ცხრა დაშავდა უკრაინის ქალაქ ზაპოროჟიეზე დღევანდელი ავიადარტყმის შედეგად. ადგილობრივი ხელისუფლების ინფორმაციით, დაშავებულებს შორის სამი მოზარდია. უკრაინის საგანგებო სიტუაციების სამსახურის ცნობით, 11 ნოემბერს, 01:30 საათისთვის, რუსეთის საოკუპაციო ძალებმა განახორციელეს სამი ავიადარტყმა. აფეთქების ტალღამ ნაწილობრივ დაანგრია 2-სართულიანი სახლი, საერთო საცხოვრებელი და ავტოსალონი. სულ მცირე, ორი ადამიანი დაიღუპა და ერთი დაიჭრა უკრაინის ქალაქ ნიკოლაევზე რუსული დრონებით თავდასხმისას. უპილოტო საფრენი აპარატებით შეტევა 11 ნოემბერს, შუაღამის შემდეგ დაიწყო. ადგილობრივი ხელისუფლების ინფორმაციით, რამდენიმე სახლს ხანძარი გაუჩნდა. ასევე ნახეთ 10 ნოემბრის დილით მოსკოვის ოლქზე დრონებით ფართო შეტევა განხორციელდა ...