დაკავებულთაგან ერთი (როვშან ისკანდაროვი) მარნეულის საკრებულოს თავმჯდომარის მოადგილეა და „ქართულ ოცნებას“ წარმოადგენს, მეორე კი მისი ძმაა (ექბარ ისკანდაროვი). ისინი ბრალს არ აღიარებენ და ირწმუნებიან, რომ გავრცელებული ვიდეოკადრები დამონტაჟებულია. „რომ ამბობენ გაყალბებას. მე არ მჭირდება გაყალბება. ყველამ იცის, რომ 17 ათასი ადამიანი ცხოვრობს ამ ადმინისტრაციულ ერთეულში და ყველა, 100 პროცენტი, ჩემს გვერდით არიან... თუ ვინმე ვიდეოკადრებში მონტაჟს აკეთებს, იმის გამო უშვებენ ციხეში, ესეც რა ვიცი... ეს საქმე დაგეგმილი იყო. ამაში დარწმუნებული ვარ. იმედი მაქვს, რომ ეს „ნაცმოძრაობის“ სასამართლო არ არის, ეს არის სამართლიანი სასამართლო - მაღლა ღმერთს და დაბლა თქვენ გენდობით“, - მიმართა როვშან ისკანდაროვმა მოსამართლეს. 26 ოქტომბერს, დაახლოებით 12:30 საათზე, გავრცელდა ვიდეომასალა, რომელშიც ჩანდა, იმ დროს მედიისთვის უცნობი კაცი როგორ ყრიდა ყუთში ბიულეტენებს მარნეულის 69-ე უბანზე. მალევე სისხლის სამართლის კოდექსის 164-ე (არჩევნების გაყალბების) მუხლით საქმის გამოძიება დაიწყო შინაგან საქმეთა სამინისტრომ, ცესკომ კი იმ უბნის შედეგები გააუქმა. ასევე ნახეთ შსს-მ გამოძიება დაიწყო მარნეულში საარჩევნო ყუთში კონვერტების ჩაყრის ფაქტზე ასევე ნახეთ ცესკოს თავმჯდომარემ საარჩევნო ყუთში კონვერტების ჩაყრას „იზოლირებული შემთხვევა“ უწოდა არჩევნების დღეს, ამ საკითხზე ბრიფინგი გამართა პარტია „ქართული ოცნების“ ლიდერმა მამუკა მდინარაძემ. მარნეულში, 69-ე უბანზე, ბიულეტენების ჩაყრა მან „ნაცმოძრაობას“ დაუკავშირა. ასევე ნახეთ მდინარაძე მარნეულში ბიულეტენების ჩაყრას „ნაცმოძრაობას“ უკავშირებს ...