7 სექტემბერს რუსეთის არმიის მიერ უკრაინის აღმოსავლეთში, დონეცკის რეგიონში თავდასხმას ხუთი ადამიანი ემსხვერპლა. დონეცკის გუბერნატორმა, ვადიმ ფილაშკინმა Telegram-ით განაცხადა, რომ სამი - 24-დან 69 წლამდე კაცი მოკლეს ქალაქ კოსტანტინივკაში. მისი თქმით, დაშავებულია ოთხი ადამიანი. 50-წლამდე ორი კაცი დაიღუპა დაბომბვისას ქალაქ ტორეცკის მახლობლად კოსტანტინოვკასთან. ასევე ნახეთ რუსეთის არმიამ კიევზე დრონებით მიიტანა იერიში, უმაღლეს რადას შენობასთან ხანძარი გაჩნდა საზოგადოებრივი მაუწყებელ Suspilne-ს მოჰყავს დონეცკის გენერალური პროკურატურის წარმომადგშენლის, ანასტასია მედვედევას ნათქვამი, რომ მეოთხე პირი - 57 წლის ქალი - დაშავდა კოსტანტინოვკაზე თავდასხმის დროს. მედვედევამ თქვა, რომ ტორეცკში მოკლული ორი ადამიანი 52 და 53 წლის მამაკაცები იყვნენ. 7 სექტემბერს გვიან დაბომბეს ქალაქი ხარკოვიც, განაცხადა რეგიონის გენერალურმა პროკურატურამ. ხარკოვის რაიონის სოფელ მალა დანილივკაში საცხოვრებელ კორპუსს ცეცხლი გაუჩნდა და 10 კერძო სახლი დაზიანდა. დაშავებულია ოთხი ადამიანი - სამი ქალი და ერთი მამაკაცი. ადრე, 7 სექტემბერს, იარაღის საწყობში გაჩენილმა დიდმა ხანძარმა აიძულა ადგილობრივ ხელისუფლებას 600-მდე ადამიანის ევაკუაცია მოეხდინა რუსეთის სამხრეთ-დასავლეთით ვორონეჟის რეგიონში. ასევე ნახეთ როგორ კარგავდნენ უკრაინელები დონბასს ...