გერმანიის სამხრეთის ქალაქ მიუნხენში ისრაელის გენერალურ საკონსულოსთან და ნაციონალ-სოციალიზმის ისტორიის მუზეუმთან პოლიციელებმა ეჭვმიტანილ პირს ცეცხლი გაუხსნეს. ეჭვმიტანილი მიყენებული ჭრილობების შედეგად ადგილზე გარდაიცვალა, განაცხადა ბავარიის შინაგან საქმეთა მინისტრმა, იოახიმ ჰერმანმა. პოლიციამ განაცხადა, რომ მოკლულ ეჭვმიტანილს თან ჰქონდა თოფი. გერმანიის მედიის ცნობით, მან პოლიციელების მიმართულებით გაისროლა. არ არის ინფორმაცია იმის შესახებ, არის თუ არა კიდევ ერთი დაჭრილი. სროლაში მონაწილეობდა ხუთი პოლიციელი. ეჭვმიტანილის ვინაობა დგინდება, არ არის ასევე ცნობილი მოტივი. ისრაელის საგარეო საქმეთა სამინისტროს თანახმად, დიპლომატიური წარმომადგენლობაში აღინიშნებოდა მიუნხენის 1972 წლის ოლიმპიადის დროს თავდასხმის (პალესტინელთა დაჯგუფება “შავი სექტემბრის” წევრებმა 11 ისრაელელი სპორტსმენი მოკლეს) მსხვერპლის ხსოვნის ცერემონია და ამიტომ, საკონსულო დაკეტილი იყო. საკონსულოს თანამშრომლებიდან არავინ დაშავებულა. გერმანიის შინაგან საქმეთა მინისტრმა, ნენსი ფეზერმა მომხდარს სერიოზული ინციდენტი უწოდა, მაგრამ არ განუმარტავს გარემოება და ვითარება, თქვა მხოლოდ, რომ “ისრაელის ობიექტების დაცვა უმაღლესი პრიორიტეტია”. ...