პარიზში 28 აგვისტოს, გვიან საღამოს, გაიხსნა 2024 წლის პარალიმპიური თამაშები, რომლებიც 8 სექტემბრამდე გაგრძელდება. სპორტის 22 სახეობაში სულ 549 ჯილდო გაიცემა. მთავარი ოლიმპიადის მსგავსად, თამაშების გახსნის ცერემონია, პირველად თანამედროვე ოლიმპიური მოძრაობის ისტორიაში, გაიმართა არა სტადიონზე, არამედ პარიზის ცენტრში - კონკორდის მოედანზე. თამაშები გახსნეს საფრანგეთის პრეზიდენტმა ემანუელ მაკრონმა და საერთაშორისო პარალიმპიური კომიტეტის ხელმძღვანელმა ენდრიუ პარსონსმა. ზაფხულის ოლიმპიადის შემდეგ, პარიზი მე-17 პარალიმპიურ თამაშებს მასპინძლობს. პარალიმპიადაში 180 ქვეყნის 4 400-მდე სპორტსმენი მონაწილეობს. საქართველოს პარალიმპიური ნაკრები თამაშებზე სარეკორდო რაოდენობით, 14 პარასპორტსმენითაა წარმოდგენილი. ისინი სპორტის ექვს სახეობაში იასპარეზებენ. ასევე ნახეთ უცხოეთისთვის მებრძოლი 11 ქართული გვარი პარიზის ოლიმპიადაზე ...