ამ ცნობების თანახმად, არიან დაღუპულები და დაჭრილები, მათი ზუსტი რიცხვი დაკონკრეტებული არ არის. რუსეთის თავდაცვის სამინისტრო საჰაერო იერიშების შესახებ განცხადებას არ აკეთებს. უკრაინის სუმის ოლქი ესაზღვრება რუსეთის კურსკის რეგიონს, სადაც 6 აგვისტოს შევიდნენ უკრაინის შეიარაღებული ძალების ქვედანაყოფები. ამ ოპერაციის ერთ-ერთ მიზნად უკრაინის პრეზიდენტი ვოლოდიმირ ზელენსკი ასახელებს სწორედ სუმის ოლქის დაცვას რუსეთის თავდასხმებისგან. თუმცა უკრაინის არმიის კურსკის რეგიონში შესვლის შემდეგ, სუმის ოლქში სროლის ინტენსივობა არ შემცირებულა. სუმის ადმინისტრაციამ 23 დასახლებული პუნქტის მობინადრეთა სავალდებულო ევაკუაცია გამოაცხადა. ეს, საერთო ჯამში, დაახლოებით 6000-მდე ადამიანს მოიცავს. ასევე ნახეთ იარაღის საწყობში აფეთქებების გამო ვორონეჟის რეგიონში 600-ზე მეტმა მოსახლემ დატოვა სახლები ...