დადგენილების ასამოქმედებლად მისი გამოქვეყნებაა საჭირო - როგორც წესი, ამას რამდენიმე საათი ან დღე სჭირდება ხოლმე. ცვლილებები არ შეეხებათ ე.წ. ყვითელ მიკროავტობუსებს, მათ მხოლოდ ბოლო გაჩერებაზე შეეძლებათ მგზავრების აყვანა. ყოველდღიურად რუსთავიდან თბილისში 30 ათასი ადამიანი მგზავრობს. მათი დიდი ნაწილი საზოგადოებრივ ტრანსპორტს იყენებს: მუნიციპალური სამსახურის 12 ავტობუსს რუსთავიდან თბილისში (ისნამდე) მიჰყავს მგზავრები; გარდა ამისა, კერძო კომპანია „ინტერტრანსს“ ეკუთვნის 11 ხაზი, სადაც დღეში 100-მდე მიკროავტობუსი გადაადგილდება. რუსთავის მერია დედაქალაქის მიმართულებით მგზავრთა გადასაყვანად ახალ ავტობუსებს ყიდულობს და მას სხვადასხვა მიმართულებით დანიშნავს. ...